(Abu Jamra ad-Dubaiy aytdi: Men Ibn Abbosga (savol) aytdim; bas, u (Ibn Abbos (roziyallohu anhumo)) aytdi:) Abdulqays elchilari (vakillari) Rasululloh ﷺning oldilariga keldilar-da: «Albatta, biz bilan sening orangda Muzar (qabilasi)dan boʻlgan mushriklar (bor); biz senga faqat harom (urush taqiqlangan) oylardagina yetib (kela) olamiz; bas, bizga bir jamlangan (qatʼiy) ish buyur — agar biz unga amal qilsak, jannatga kiramiz va ortimizdagi (qavmlarni) ham unga chaqiramiz», dedilar. U zot: «Men sizlarni toʻrt (narsa)ga buyuraman va toʻrt (narsa)dan qaytaraman: sizlarni Allohga iymon keltirishga buyuraman — Allohga iymon nima (ekanini) bilasizlarmi? — ‹La ilaha illalloh› (deb) guvohlik berish, namozni toʻla ado etish, zakot berish va gʻanimatdan beshdan birini (xums) berishingiz(dir); va sizlarni toʻrt (narsa)dan qaytaraman: dubbo (qovoq idish), naqir (oʻyilgan yogʻoch), muzaffat (qatron surilgan idish) va hantam (sopol idish)da (xamr achitib) ichishdan», dedilar.(Абу Жамра ад-Дубаий айтди: Мен Ибн Аббосга (савол) айтдим; бас, у (Ибн Аббос (розияллоҳу анҳумо)) айтди:) Абдулқайс элчилари (вакиллари) Расулуллоҳ ﷺнинг олдиларига келдилар-да: «Албатта, биз билан сенинг орангда Музар (қабиласи)дан бўлган мушриклар (бор); биз сенга фақат ҳаром (уруш тақиқланган) ойлардагина етиб (кела) оламиз; бас, бизга бир жамланган (қатъий) иш буюр — агар биз унга амал қилсак, жаннатга кирамиз ва ортимиздаги (қавмларни) ҳам унга чақирамиз», дедилар. У зот: «Мен сизларни тўрт (нарса)га буюраман ва тўрт (нарса)дан қайтараман: сизларни Аллоҳга иймон келтиришга буюраман — Аллоҳга иймон нима (эканини) биласизларми? — ‹Ла илаҳа иллаллоҳ› (деб) гувоҳлик бериш, намозни тўла адо этиш, закот бериш ва ғаниматдан бешдан бирини (хумс) беришингиз(дир); ва сизларни тўрт (нарса)дан қайтараман: дуббо (қовоқ идиш), нақир (ўйилган ёғоч), музаффат (қатрон сурилган идиш) ва ҳантам (сопол идиш)да (хамр ачитиб) ичишдан», дедилар.