Urva ibn Abul-Jaʼd (roziyallohu anhu)dan rivoyat qilinadi: «Nabiy ﷺga (bozorga) haydab kelingan mol roʻpara boʻldi. U zot menga bir dinor berib: ‹Ey Urva, molning oldiga bor va shu dinorga bizga bir qoʻy sotib ol›, dedilar. Men molning oldiga bordim, savdolashdim va bir dinorga ikki qoʻy sotib oldim. Ikkovini haydab — yoki: yetaklab — kelayotgan edim, yoʻlda menga bir kishi roʻpara keldi va mendan savdolashdi. Men ikki qoʻyning birini bir dinorga sotdim va bir qoʻy hamda bir dinor bilan keldim. ‹Ey Allohning Rasuli, mana bu qoʻy, mana bu sizning dinoringiz›, dedim. U zot: ‹Qanday qilding?› dedilar. Men u zotga voqeani soʻzlab berdim. Shunda u zot: ‹Allohim, uning oʻng qoʻli savdosiga baraka bergin›, dedilar. Men oʻzimni Kufa Kunosasida turgan holda koʻrar edim: ahlimga yetib borgunimcha qirq ming (dirham) foyda qilar edim», dedi.Урва ибн Абул-Жаъд (розияллоҳу анҳу)дан ривоят қилинади: «Набий ﷺга (бозорга) ҳайдаб келинган мол рўпара бўлди. У зот менга бир динор бериб: ‹Эй Урва, молнинг олдига бор ва шу динорга бизга бир қўй сотиб ол›, дедилар. Мен молнинг олдига бордим, савдолашдим ва бир динорга икки қўй сотиб олдим. Икковини ҳайдаб — ёки: етаклаб — келаётган эдим, йўлда менга бир киши рўпара келди ва мендан савдолашди. Мен икки қўйнинг бирини бир динорга сотдим ва бир қўй ҳамда бир динор билан келдим. ‹Эй Аллоҳнинг Расули, мана бу қўй, мана бу сизнинг динорингиз›, дедим. У зот: ‹Қандай қилдинг?› дедилар. Мен у зотга воқеани сўзлаб бердим. Шунда у зот: ‹Аллоҳим, унинг ўнг қўли савдосига барака бергин›, дедилар. Мен ўзимни Куфа Куносасида турган ҳолда кўрар эдим: аҳлимга етиб боргунимча қирқ минг (дирҳам) фойда қилар эдим», деди.