Abu Umoma al-Bohiliy (roziyallohu anhu) aytdi: Men Rasululloh ﷺning Vidolashuv haji yilidagi xutbalarida shunday deganlarini eshitdim: «Albatta, Alloh har bir haqdorga oʻz haqqini bergandir; bas, vorisga vasiyat yoʻqdir. Bola toʻshakka tegishlidir, zinokorga esa tosh (mahrumlik)dir; ularning hisobi Alloh taoloning zimmasidadir. Kim oʻzini otasidan boshqaga nisbat bersa yoki oʻz xojalaridan boshqaga mansublik daʼvo qilsa, qiyomat kunigacha unga Allohning, farishtalarning va barcha odamlarning laʼnati boʻladi. Ayol kishi eridan iznsiz uyidan biror narsa sarflamaydi». «Yo Rasululloh, taomni hammi?» deyildi. U zot: «U bizning eng afzal molimizdir», dedilar. Soʻng: «Ariyat qaytariladi, minha qaytariladi, qarz uziladi, kafil esa toʻlaydi», dedilar.Абу Умома ал-Боҳилий (розияллоҳу анҳу) айтди: Мен Расулуллоҳ ﷺнинг Видолашув ҳажи йилидаги хутбаларида шундай деганларини эшитдим: «Албатта, Аллоҳ ҳар бир ҳақдорга ўз ҳаққини бергандир; бас, ворисга васият йўқдир. Бола тўшакка тегишлидир, зинокорга эса тош (маҳрумлик)дир; уларнинг ҳисоби Аллоҳ таолонинг зиммасидадир. Ким ўзини отасидан бошқага нисбат берса ёки ўз хожаларидан бошқага мансублик даъво қилса, қиёмат кунигача унга Аллоҳнинг, фаришталарнинг ва барча одамларнинг лаънати бўлади. Аёл киши эридан изнсиз уйидан бирор нарса сарфламайди». «Ё Расулуллоҳ, таомни ҳамми?» дейилди. У зот: «У бизнинг энг афзал молимиздир», дедилар. Сўнг: «Арият қайтарилади, минҳа қайтарилади, қарз узилади, кафил эса тўлайди», дедилар.