Avn ibn Abdulloh aytdi: Men Umar ibn Abdulazizga: «Menga Rasululloh ﷺning sahobalaridan boʻlgan falon kishi hadis aytdi», dedim. Umar uni tanidi. Men dedim: U menga Rasululloh ﷺning shunday deganlarini aytdi: «Albatta hayo, iffat va tutilib qolish — tilning tutilishi, qalbning tutilishi emas — hamda fiqh iymondandir. Ular oxiratda ziyoda qiladigan va dunyodan kamaytiradigan narsalardandir, ularning oxiratda ziyoda qiladigani esa koʻproqdir. Albatta behayolik, qoʻpollik va baxillik nifoqdandir. Ular dunyoda ziyoda qiladigan va oxiratdan kamaytiradigan narsalardandir, ularning oxiratdan kamaytiradigani esa koʻproqdir». Abu Qilaba aytdi: Umar ibn Abdulaziz bizning oldimizga peshin namoziga chiqdi, qoʻlida bir varaq bor edi. Soʻng asr namoziga chiqdi, u hamon oʻzi bilan edi. Men unga: «Ey amirul moʻminin, bu qanday kitob?» dedim. U: «Bu — Avn ibn Abdulloh menga aytgan hadisdir, u menga yoqdi va uni yozib oldim», dedi. Qarasam, unda mana shu hadis bor edi.Авн ибн Абдуллоҳ айтди: Мен Умар ибн Абдулазизга: «Менга Расулуллоҳ ﷺнинг саҳобаларидан бўлган фалон киши ҳадис айтди», дедим. Умар уни таниди. Мен дедим: У менга Расулуллоҳ ﷺнинг шундай деганларини айтди: «Албатта ҳаё, иффат ва тутилиб қолиш — тилнинг тутилиши, қалбнинг тутилиши эмас — ҳамда фиқҳ иймондандир. Улар охиратда зиёда қиладиган ва дунёдан камайтирадиган нарсалардандир, уларнинг охиратда зиёда қиладигани эса кўпроқдир. Албатта беҳаёлик, қўполлик ва бахиллик нифоқдандир. Улар дунёда зиёда қиладиган ва охиратдан камайтирадиган нарсалардандир, уларнинг охиратдан камайтирадигани эса кўпроқдир». Абу Қилаба айтди: Умар ибн Абдулазиз бизнинг олдимизга пешин намозига чиқди, қўлида бир варақ бор эди. Сўнг аср намозига чиқди, у ҳамон ўзи билан эди. Мен унга: «Эй амирул мўминин, бу қандай китоб?» дедим. У: «Бу — Авн ибн Абдуллоҳ менга айтган ҳадисдир, у менга ёқди ва уни ёзиб олдим», деди. Қарасам, унда мана шу ҳадис бор эди.