Abu Hurayra (roziyallohu anhu)dan rivoyat qilinadi: Rasululloh ﷺ oʻtirgan paytlarida bir aʼrobiy masjidga kirdi va: «Ey Alloh, meni va Muhammadni magʻfirat qilgin, biz bilan birga boshqa hech kimni magʻfirat qilmagin», dedi. Rasululloh ﷺ kulib: «Sen keng narsani tor qilib qoʻyding», dedilar. Soʻng u aʼrobiy burilib, masjidning bir chekkasiga borib, oyoqlarini kerib siydik chiqara boshladi. Aʼrobiy keyinchalik anglab yetgach: «U zot otam va onam u zotga fido boʻlsin oʻrnimga kelib, meni koyimadilar ham, soʻkmadilar ham, faqat: «Bu masjid ichida siydik chiqarilmaydi, u faqat Allohni zikr qilish va namoz oʻqish uchun bino qilingan«, dedilar», dedi. Soʻng u zot bir chelak suv keltirishga buyurdilar va u siydik ustiga quyildi.Абу Ҳурайра (розияллоҳу анҳу)дан ривоят қилинади: Расулуллоҳ ﷺ ўтирган пайтларида бир аъробий масжидга кирди ва: «Эй Аллоҳ, мени ва Муҳаммадни мағфират қилгин, биз билан бирга бошқа ҳеч кимни мағфират қилмагин», деди. Расулуллоҳ ﷺ кулиб: «Сен кенг нарсани тор қилиб қўйдинг», дедилар. Сўнг у аъробий бурилиб, масжиднинг бир чеккасига бориб, оёқларини кериб сийдик чиқара бошлади. Аъробий кейинчалик англаб етгач: «У зот отам ва онам у зотга фидо бўлсин ўрнимга келиб, мени койимадилар ҳам, сўкмадилар ҳам, фақат: «Бу масжид ичида сийдик чиқарилмайди, у фақат Аллоҳни зикр қилиш ва намоз ўқиш учун бино қилинган«, дедилар», деди. Сўнг у зот бир челак сув келтиришга буюрдилар ва у сийдик устига қуйилди.