Abdulloh ibn Masʼud (roziyallohu anhu)dan rivoyat qilinadi: U Ashʼas ibn Qaysga amirlik qullaridan bir qulni sotdi va ular narxda ixtilof qilishdi. Ibn Masʼud: «Men senga yigirma mingga sotdim», dedi. Ashʼas ibn Qays esa: «Men sendan oʻn mingga sotib oldim», dedi. Abdulloh: «Xohlasang, senga Rasululloh ﷺdan eshitgan bir hadisimni aytib beray», dedi. U: «Ayt», dedi. Abdulloh dedi: «Men Rasululloh ﷺni: ‹Ikki savdolashuvchi ixtilof qilsalar-u, oralarida hujjat boʻlmasa, sotilgan mol esa oʻzicha turgan boʻlsa, sotuvchining soʻzi qabul qilinadi, yoxud savdoni bir-birlariga qaytarishadi›, deyayotganlarini eshitganman». Shunda (Ashʼas): «Men savdoni qaytarishni maʼqul koʻraman», dedi va uni qaytardi.Абдуллоҳ ибн Масъуд (розияллоҳу анҳу)дан ривоят қилинади: У Ашъас ибн Қайсга амирлик қулларидан бир қулни сотди ва улар нархда ихтилоф қилишди. Ибн Масъуд: «Мен сенга йигирма мингга сотдим», деди. Ашъас ибн Қайс эса: «Мен сендан ўн мингга сотиб олдим», деди. Абдуллоҳ: «Хоҳласанг, сенга Расулуллоҳ ﷺдан эшитган бир ҳадисимни айтиб берай», деди. У: «Айт», деди. Абдуллоҳ деди: «Мен Расулуллоҳ ﷺни: ‹Икки савдолашувчи ихтилоф қилсалар-у, ораларида ҳужжат бўлмаса, сотилган мол эса ўзича турган бўлса, сотувчининг сўзи қабул қилинади, ёхуд савдони бир-бирларига қайтаришади›, деяётганларини эшитганман». Шунда (Ашъас): «Мен савдони қайтаришни маъқул кўраман», деди ва уни қайтарди.