Anas (roziyallohu anhu)dan rivoyat qilinadi: Ummu Sulaym men bilan ichida xurmo boʻlgan bir savatni Rasululloh ﷺga joʻnatdi. Men u zotni topmadim, chunki u zot oʻzlarini taklif qilgan bir ozod qilingan qullarining oldiga chiqib ketgan edilar, u kishi u zotga taom tayyorlagan edi. Men u zotning huzurlariga bordim, u zot taom yeyayotgan edilar. U zot meni oʻzlari bilan yeyishga taklif qildilar. U kishi goʻshtli va qovoqli tarid tayyorlagan edi. U zot qovoqni yoqtirar edilar. Shunda men qovoqni yigʻib, u zotning oldilariga yaqinlashtira boshladim. Biz undan yegach, u zot uylariga qaytdilar. Men savatni u zotning oldilariga qoʻydim. U zot uni yeb va ulashib, oxirigacha tugatdilar.Анас (розияллоҳу анҳу)дан ривоят қилинади: Умму Сулайм мен билан ичида хурмо бўлган бир саватни Расулуллоҳ ﷺга жўнатди. Мен у зотни топмадим, чунки у зот ўзларини таклиф қилган бир озод қилинган қулларининг олдига чиқиб кетган эдилар, у киши у зотга таом тайёрлаган эди. Мен у зотнинг ҳузурларига бордим, у зот таом еяётган эдилар. У зот мени ўзлари билан ейишга таклиф қилдилар. У киши гўштли ва қовоқли тарид тайёрлаган эди. У зот қовоқни ёқтирар эдилар. Шунда мен қовоқни йиғиб, у зотнинг олдиларига яқинлаштира бошладим. Биз ундан егач, у зот уйларига қайтдилар. Мен саватни у зотнинг олдиларига қўйдим. У зот уни еб ва улашиб, охиригача тугатдилар.