Ibn Umar (roziyallohu anhumo)dan rivoyat qilinadi: Nabiy ﷺ odamlarni namozga qanday chorlash haqida ular bilan maslahatlashdilar. Ular shox chalishni aytishdi, ammo u zot yahudiylar (shox chalgani) sababli buni yoqtirmadilar. Soʻng ular noqus (jaros)ni aytishdi, u zot nasroniylar (noqus chalgani) sababli buni yoqtirmadilar. Shu kecha ansorlardan Abdulloh ibn Zayd degan bir kishiga va Umar ibn al-Xattobga (namozga) chorlash tushda koʻrsatildi. Ansor kishi kechasi Rasululloh ﷺning oldilariga keldi, Rasululloh ﷺ Bilolga uni (aytishni) buyurdilar, u azon aytdi. Bilol bomdod namozining chorlovida «As-solaatu xayrun minan-navm» (soʻzini) qoʻshdi, Rasululloh ﷺ uni oʻz holicha qoldirdilar. Umar: «Ey Allohning Rasuli, men ham u koʻrgan narsaga oʻxshash narsani koʻrgandim, lekin u mendan oʻzib ketdi», dedi.Ибн Умар (розияллоҳу анҳумо)дан ривоят қилинади: Набий ﷺ одамларни намозга қандай чорлаш ҳақида улар билан маслаҳатлашдилар. Улар шох чалишни айтишди, аммо у зот яҳудийлар (шох чалгани) сабабли буни ёқтирмадилар. Сўнг улар ноқус (жарос)ни айтишди, у зот насронийлар (ноқус чалгани) сабабли буни ёқтирмадилар. Шу кеча ансорлардан Абдуллоҳ ибн Зайд деган бир кишига ва Умар ибн ал-Хаттобга (намозга) чорлаш тушда кўрсатилди. Ансор киши кечаси Расулуллоҳ ﷺнинг олдиларига келди, Расулуллоҳ ﷺ Билолга уни (айтишни) буюрдилар, у азон айтди. Билол бомдод намозининг чорловида «Ас-солаату хайрун минан-навм» (сўзини) қўшди, Расулуллоҳ ﷺ уни ўз ҳолича қолдирдилар. Умар: «Эй Аллоҳнинг Расули, мен ҳам у кўрган нарсага ўхшаш нарсани кўргандим, лекин у мендан ўзиб кетди», деди.