Abu Umoma al-Bohiliy (roziyallohu anhu)dan rivoyat qilinadi: Rasululloh ﷺ hassaga suyanib huzurimizga chiqdilar. Biz u zotni koʻrgach oʻrnimizdan turdik. Shunda u zot: «Fors ahli oʻz ulugʻlariga qilganidek qilmanglar», dedilar. Biz: «Ey Allohning Rasuli, biz uchun Allohga duo qilsangiz edi», dedik. U zot: «Allohummagʻfir lanaa, varhamnaa, varza annaa, va taqobbal minnaa, va adxilnal-jannata, va najjinaa minan-naar, va aslih lanaa shaʼnanaa kullah» (Ey Alloh, bizni kechir, bizga rahm qil, bizdan rozi boʻl, bizdan (amallarimizni) qabul et, bizni jannatga kiritgin, bizni doʻzaxdan qutqargin va bizning barcha ishlarimizni oʻnglagin), dedilar. Roviy aytadi: Biz goʻyo u zot yana (davom etib) ziyoda qilishlarini xohlagandek boʻldik. Shunda u zot: «Men sizlar uchun (barcha) ishni jamlab qoʻymadimmi?» dedilar.Абу Умома ал-Боҳилий (розияллоҳу анҳу)дан ривоят қилинади: Расулуллоҳ ﷺ ҳассага суяниб ҳузуримизга чиқдилар. Биз у зотни кўргач ўрнимиздан турдик. Шунда у зот: «Форс аҳли ўз улуғларига қилганидек қилманглар», дедилар. Биз: «Эй Аллоҳнинг Расули, биз учун Аллоҳга дуо қилсангиз эди», дедик. У зот: «Аллоҳуммағфир ланаа, варҳамнаа, варза аннаа, ва тақоббал миннаа, ва адхилнал-жанната, ва нажжинаа минан-наар, ва аслиҳ ланаа шаънанаа куллаҳ» (Эй Аллоҳ, бизни кечир, бизга раҳм қил, биздан рози бўл, биздан (амалларимизни) қабул эт, бизни жаннатга киритгин, бизни дўзахдан қутқаргин ва бизнинг барча ишларимизни ўнглагин), дедилар. Ровий айтади: Биз гўё у зот яна (давом этиб) зиёда қилишларини хоҳлагандек бўлдик. Шунда у зот: «Мен сизлар учун (барча) ишни жамлаб қўймадимми?» дедилар.