Oisha (roziyallohu anho)dan rivoyat qilinadi: Rasululloh ﷺning: «Allohumma, inni asʼaluka bismikat-tohirit-toyyibil-muborakil-ahabbi ilayka, allazi iza duita bihi ajabta, va iza suilta bihi aʼtayta, va izasturhimta bihi rahimta, va izastufrijta bihi farrajta (Ey Alloh, men Sendan Sening pok, tayyib, muborak va Oʻzingga eng suyukli isming bilan soʻrayman — u bilan chorlansang ijobat qilasan, u bilan soʻralsang berasan, u bilan rahm soʻralsang rahm qilasan, u bilan kushoyish soʻralsang kushoyish berasan)», deyayotganlarini eshitdim. U kishi bir kuni: «Ey Oisha, bilasanmi, Alloh menga u bilan duo qilinganda ijobat qiladigan ismni koʻrsatdi», dedilar. Men: «Ey Rasululloh, otam-onam Sizga fido boʻlsin, uni menga ham oʻrgating», dedim. U zot: «U senga munosib emas, ey Oisha», dedilar. Men bir chetga chekinib, bir soat oʻtirdim, soʻng turib boshlaridan oʻpdim, keyin: «Ey Rasululloh, uni menga oʻrgating», dedim. U zot: «Uni senga oʻrgatishim senga munosib emas, ey Oisha, chunki u bilan dunyodan biror narsa soʻrashing senga munosib emas», dedilar. Shunda men turib taharat oldim, soʻng ikki rakat namoz oʻqidim, keyin: «Ey Alloh, men Senga — Allohga duo qilaman, Senga — Rahmonga duo qilaman, Senga — Barr va Rahiymga duo qilaman, Senga barcha goʻzal ismlaring bilan — men bilganim va bilmaganim bilan duo qilaman, meni magʻfirat qilishing va menga rahm qilishingni soʻrayman», dedim. Shunda Rasululloh ﷺ kulib: «U sen duo qilgan ismlar orasidadir», dedilar.Оиша (розияллоҳу анҳо)дан ривоят қилинади: Расулуллоҳ ﷺнинг: «Аллоҳумма, инни асъалука бисмикат-тоҳирит-тоййибил-муборакил-аҳабби илайка, аллази иза дуита биҳи ажабта, ва иза суилта биҳи аътайта, ва изастурҳимта биҳи раҳимта, ва изастуфрижта биҳи фарражта (Эй Аллоҳ, мен Сендан Сенинг пок, таййиб, муборак ва Ўзингга энг суюкли исминг билан сўрайман — у билан чорлансанг ижобат қиласан, у билан сўралсанг берасан, у билан раҳм сўралсанг раҳм қиласан, у билан кушойиш сўралсанг кушойиш берасан)», деяётганларини эшитдим. У киши бир куни: «Эй Оиша, биласанми, Аллоҳ менга у билан дуо қилинганда ижобат қиладиган исмни кўрсатди», дедилар. Мен: «Эй Расулуллоҳ, отам-онам Сизга фидо бўлсин, уни менга ҳам ўргатинг», дедим. У зот: «У сенга муносиб эмас, эй Оиша», дедилар. Мен бир четга чекиниб, бир соат ўтирдим, сўнг туриб бошларидан ўпдим, кейин: «Эй Расулуллоҳ, уни менга ўргатинг», дедим. У зот: «Уни сенга ўргатишим сенга муносиб эмас, эй Оиша, чунки у билан дунёдан бирор нарса сўрашинг сенга муносиб эмас», дедилар. Шунда мен туриб таҳарат олдим, сўнг икки ракат намоз ўқидим, кейин: «Эй Аллоҳ, мен Сенга — Аллоҳга дуо қиламан, Сенга — Раҳмонга дуо қиламан, Сенга — Барр ва Раҳиймга дуо қиламан, Сенга барча гўзал исмларинг билан — мен билганим ва билмаганим билан дуо қиламан, мени мағфират қилишинг ва менга раҳм қилишингни сўрайман», дедим. Шунда Расулуллоҳ ﷺ кулиб: «У сен дуо қилган исмлар орасидадир», дедилар.