Jobir (roziyallohu anhu)dan rivoyat qilinadi: Dengizdan kelgan muhojirlar Rasululloh ﷺ huzuriga qaytib kelganlarida, u zot: «Habasha yurtida koʻrgan ajoyibotlaringizni menga soʻzlab bermaysizlarmi?» dedilar. Ulardan bir necha yigit: «Ha, ey Allohning Rasuli. Biz oʻtirgan edik, ularning rohibalaridan boʻlgan bir kampir boshida bir koʻza suv koʻtarib oldimizdan oʻtdi. U ularning bir yigitining yonidan oʻtayotganda, yigit qoʻllaridan birini uning yelkalari orasiga qoʻyib, uni itarib yubordi. Kampir tizzalari ustiga yiqilib, koʻzasi sindi. U oʻrnidan turgach, unga oʻgirilib: ‹Alloh Kursini qoʻyganida, avvalgilar bilan keyingilarni jamlaganida, qoʻllar bilan oyoqlar oʻzlari qilib turgan ishlari haqida soʻzlaganida bilib qolasan, ey xoin. U zotning huzurida ertaga mening ishim bilan sening ishing qanday boʻlishini tez orada bilib olasan›, dedi», deyishdi. Rasululloh ﷺ: «U toʻgʻri aytdi, u toʻgʻri aytdi. Zaifidan haqqini kuchlisidan ololmaydigan bir ummatni Alloh qanday poklasin?!» dedilar.Жобир (розияллоҳу анҳу)дан ривоят қилинади: Денгиздан келган муҳожирлар Расулуллоҳ ﷺ ҳузурига қайтиб келганларида, у зот: «Ҳабаша юртида кўрган ажойиботларингизни менга сўзлаб бермайсизларми?» дедилар. Улардан бир неча йигит: «Ҳа, эй Аллоҳнинг Расули. Биз ўтирган эдик, уларнинг роҳибаларидан бўлган бир кампир бошида бир кўза сув кўтариб олдимиздан ўтди. У уларнинг бир йигитининг ёнидан ўтаётганда, йигит қўлларидан бирини унинг елкалари орасига қўйиб, уни итариб юборди. Кампир тиззалари устига йиқилиб, кўзаси синди. У ўрнидан тургач, унга ўгирилиб: ‹Аллоҳ Курсини қўйганида, аввалгилар билан кейингиларни жамлаганида, қўллар билан оёқлар ўзлари қилиб турган ишлари ҳақида сўзлаганида билиб қоласан, эй хоин. У зотнинг ҳузурида эртага менинг ишим билан сенинг ишинг қандай бўлишини тез орада билиб оласан›, деди», дейишди. Расулуллоҳ ﷺ: «У тўғри айтди, у тўғри айтди. Заифидан ҳаққини кучлисидан ололмайдиган бир умматни Аллоҳ қандай покласин?!» дедилар.