Anas ibn Molik (roziyallohu anhu)dan rivoyat qilinadi: Salmon kasal boʻldi, Saʼd uni koʻrgani keldi va uning yigʻlayotganini koʻrdi. Saʼd unga: «Nega yigʻlayapsan, ey birodarim? Axir sen Rasululloh ﷺ ga sahobalik qilgan emasmiding? Axir shunday emasmi, shunday emasmi?» dedi. Salmon: «Men ikki narsaning birortasi uchun yigʻlayotganim yoʻq; dunyoga ishtiyoq bilan yoki oxiratni yoqtirmaganim uchun yigʻlayotganim yoʻq, lekin Rasululloh ﷺ menga bir vasiyat qilgan edilar, oʻzimni oʻshandan oshib ketgandek koʻraman», dedi. Saʼd: «U zot senga nima vasiyat qilgan edilar?» dedi. U: «U zot menga: ‹Sizlardan biringizga otliqning ozuqasi (yoʻl anjomi) miqdoridagi narsa kifoyadir›, deb vasiyat qilgan edilar, oʻzimni esa oshib ketgandek koʻraman. Ey Saʼd, sen esa hukm qilganingda hukmingda, taqsim qilganingda taqsimingda va bir ishni qasd qilganingda qasdingda Allohdan qoʻrqgin», dedi.Анас ибн Молик (розияллоҳу анҳу)дан ривоят қилинади: Салмон касал бўлди, Саъд уни кўргани келди ва унинг йиғлаётганини кўрди. Саъд унга: «Нега йиғлаяпсан, эй биродарим? Ахир сен Расулуллоҳ ﷺ га саҳобалик қилган эмасмидинг? Ахир шундай эмасми, шундай эмасми?» деди. Салмон: «Мен икки нарсанинг бирортаси учун йиғлаётганим йўқ; дунёга иштиёқ билан ёки охиратни ёқтирмаганим учун йиғлаётганим йўқ, лекин Расулуллоҳ ﷺ менга бир васият қилган эдилар, ўзимни ўшандан ошиб кетгандек кўраман», деди. Саъд: «У зот сенга нима васият қилган эдилар?» деди. У: «У зот менга: ‹Сизлардан бирингизга отлиқнинг озуқаси (йўл анжоми) миқдоридаги нарса кифоядир›, деб васият қилган эдилар, ўзимни эса ошиб кетгандек кўраман. Эй Саъд, сен эса ҳукм қилганингда ҳукмингда, тақсим қилганингда тақсимингда ва бир ишни қасд қилганингда қасдингда Аллоҳдан қўрқгин», деди.