Itbon ibn Molik as-Solimiy (roziyallohu anhu) — u oʻz qavmi Banu Solimning imomi edi va Rasululloh ﷺ bilan birga Badrda qatnashgan edi — rivoyat qiladi: Men Rasululloh ﷺ huzurlariga kelib: «Yo Rasululloh, koʻzim xiralashib qoldi, sel kelib, meni qavmimning masjidi bilan orama toʻsib qoʻymoqda, uni kechib oʻtish menga ogʻirlik qilmoqda. Agar maʼqul koʻrsangiz, uyimga kelib, men namozgoh qilib oladigan bir joyda namoz oʻqib bersangiz», dedim. U zot: «Shundoq qilaman», dedilar. Kun issib ketganidan soʻng Rasululloh ﷺ va Abu Bakr (roziyallohu anhu) menikiga kelib, ruxsat soʻradilar, men ularga ruxsat berdim. U zot oʻtirmasdanoq: «Uyingning qay yerida namoz oʻqib berishimni xohlaysan?» dedilar. Men oʻzim namoz oʻqishni xohlagan joyni koʻrsatdim. Rasululloh ﷺ turdilar, biz orqalarida saf tortdik, u zot bizga ikki rakaat namoz oʻqib berdilar. Soʻng men u zotni ular uchun tayyorlanayotgan xazira taomiga olib qoldim.Итбон ибн Молик ас-Солимий (розияллоҳу анҳу) — у ўз қавми Бану Солимнинг имоми эди ва Расулуллоҳ ﷺ билан бирга Бадрда қатнашган эди — ривоят қилади: Мен Расулуллоҳ ﷺ ҳузурларига келиб: «Ё Расулуллоҳ, кўзим хиралашиб қолди, сел келиб, мени қавмимнинг масжиди билан орама тўсиб қўймоқда, уни кечиб ўтиш менга оғирлик қилмоқда. Агар маъқул кўрсангиз, уйимга келиб, мен намозгоҳ қилиб оладиган бир жойда намоз ўқиб берсангиз», дедим. У зот: «Шундоқ қиламан», дедилар. Кун иссиб кетганидан сўнг Расулуллоҳ ﷺ ва Абу Бакр (розияллоҳу анҳу) меникига келиб, рухсат сўрадилар, мен уларга рухсат бердим. У зот ўтирмасданоқ: «Уйингнинг қай ерида намоз ўқиб беришимни хоҳлайсан?» дедилар. Мен ўзим намоз ўқишни хоҳлаган жойни кўрсатдим. Расулуллоҳ ﷺ турдилар, биз орқаларида саф тортдик, у зот бизга икки ракаат намоз ўқиб бердилар. Сўнг мен у зотни улар учун тайёрланаётган хазира таомига олиб қолдим.