Ali (roziyallohu anhu)dan rivoyat qilinadi: Biz undan Rasululloh ﷺning kunduzgi nafl namozlari haqida soʻradik. U: «Sizlar unga kuchingiz yetmaydi», dedi. Biz: «Bizga xabar bering, undan qoʻlimizdan kelganicha olamiz», dedik. U shunday dedi: «Rasululloh ﷺ bomdodni oʻqib boʻlgach, quyosh mana bu tarafdan — yaʼni sharq tarafidan — asr namozi vaqtida gʻarb tarafida boʻladigan miqdorda koʻtarilguncha kutib turar, soʻng turib ikki rakaat oʻqir edilar. Keyin yana kutib turar, quyosh mana bu tarafdan — yaʼni sharq tarafidan — peshin namozi vaqtidagi miqdorda koʻtarilganda turib toʻrt rakaat oʻqirdilar. Quyosh ogʻganda esa peshindan oldin toʻrt rakaat, undan keyin ikki rakaat va asrdan oldin toʻrt rakaat oʻqir, har ikki rakaat orasini muqarrab farishtalarga, paygʻambarlarga va ularga ergashgan musulmonu moʻminlarga salom berish bilan ajratardilar». Ali dedi: «Mana shu Rasululloh ﷺning kunduzgi oʻn olti rakaat nafl namozidir, unga doimiy amal qiladiganlar esa kam».Али (розияллоҳу анҳу)дан ривоят қилинади: Биз ундан Расулуллоҳ ﷺнинг кундузги нафл намозлари ҳақида сўрадик. У: «Сизлар унга кучингиз етмайди», деди. Биз: «Бизга хабар беринг, ундан қўлимиздан келганича оламиз», дедик. У шундай деди: «Расулуллоҳ ﷺ бомдодни ўқиб бўлгач, қуёш мана бу тарафдан — яъни шарқ тарафидан — аср намози вақтида ғарб тарафида бўладиган миқдорда кўтарилгунча кутиб турар, сўнг туриб икки ракаат ўқир эдилар. Кейин яна кутиб турар, қуёш мана бу тарафдан — яъни шарқ тарафидан — пешин намози вақтидаги миқдорда кўтарилганда туриб тўрт ракаат ўқирдилар. Қуёш оғганда эса пешиндан олдин тўрт ракаат, ундан кейин икки ракаат ва асрдан олдин тўрт ракаат ўқир, ҳар икки ракаат орасини муқарраб фаришталарга, пайғамбарларга ва уларга эргашган мусулмону мўминларга салом бериш билан ажратардилар». Али деди: «Мана шу Расулуллоҳ ﷺнинг кундузги ўн олти ракаат нафл намозидир, унга доимий амал қиладиганлар эса кам».