Abu Hurayra (roziyallohu anhu)dan rivoyat qilinadi: Safvon ibn Muattal Rasululloh ﷺdan soʻrab: «Ey Allohning Rasuli, men sizdan siz biladigan, men esa bilmaydigan bir narsa haqida soʻramoqchiman», dedi. U zot: «U nima?» dedilar. U: «Kecha va kunduz soatlaridan namoz oʻqish makruh boʻlgan biror soat bormi?» dedi. U zot: «Ha, subh namozini oʻqiganingdan soʻng quyosh chiqquncha namozni tark et, chunki u shaytonning ikki shoxi bilan chiqadi. Soʻng namoz oʻqi, chunki quyosh boshing ustida nayzadek tik boʻlguncha namoz (farishtalar tomonidan) hozir boʻlinadigan va qabul qilinadigandir. Quyosh boshing ustida nayzadek boʻlganda esa namozni tark et, chunki oʻsha soatda jahannam qizdiriladi va uning eshiklari ochiladi. Quyosh oʻng qoshingdan ogʻguncha shunday qil. U ogʻganda esa asr namozini oʻqiguningcha namoz hozir boʻlinadigan va qabul qilinadigandir. Soʻng quyosh botguncha namozni tark et», dedilar.Абу Ҳурайра (розияллоҳу анҳу)дан ривоят қилинади: Сафвон ибн Муаттал Расулуллоҳ ﷺдан сўраб: «Эй Аллоҳнинг Расули, мен сиздан сиз биладиган, мен эса билмайдиган бир нарса ҳақида сўрамоқчиман», деди. У зот: «У нима?» дедилар. У: «Кеча ва кундуз соатларидан намоз ўқиш макруҳ бўлган бирор соат борми?» деди. У зот: «Ҳа, субҳ намозини ўқиганингдан сўнг қуёш чиққунча намозни тарк эт, чунки у шайтоннинг икки шохи билан чиқади. Сўнг намоз ўқи, чунки қуёш бошинг устида найзадек тик бўлгунча намоз (фаришталар томонидан) ҳозир бўлинадиган ва қабул қилинадигандир. Қуёш бошинг устида найзадек бўлганда эса намозни тарк эт, чунки ўша соатда жаҳаннам қиздирилади ва унинг эшиклари очилади. Қуёш ўнг қошингдан оғгунча шундай қил. У оғганда эса аср намозини ўқигунингча намоз ҳозир бўлинадиган ва қабул қилинадигандир. Сўнг қуёш ботгунча намозни тарк эт», дедилар.