Ubay ibn Kaʼb (roziyallohu anhu)dan rivoyat qilinadi: Masjid shiyponli boʻlgan paytda Rasululloh ﷺ bir xurmo tanasiga qarab namoz oʻqir edilar va oʻsha tanaga suyanib xutba qilardilar. Ashoblaridan bir kishi: «Sizga jumʼa kuni ustida turadigan, odamlar sizni koʻradigan va xutbangizni eshitadigan bir narsa qilib bermaymizmi?» dedi. U zot ﷺ: «Ha», dedilar. Shunda u zotga uch pogʻonali narsa yasadi, u minbarda boʻlgan pogʻonalar edi. Minbar qoʻyilgach, uni hozirgi turgan joyiga qoʻyishdi. Rasululloh ﷺ minbarga chiqmoqchi boʻlganlarida, oʻzlari suyanib xutba qilib turadigan tana yonidan oʻtdilar. Tanadan oʻtganlarida, u yorilib, tars etib ovoz chiqardi. Rasululloh ﷺ tananing ovozini eshitib pastga tushdilar va uni qoʻllari bilan silab, u tinchiguncha turdilar, soʻng minbarga qaytdilar. U zot namoz oʻqiganlarida unga qarab oʻqirdilar. Masjid buzilib oʻzgartirilgach, u tanani Ubay ibn Kaʼb olib qoldi. U chirib, uni yogʻoch quti yeb, uvoq boʻlib qolgunicha uning uyida turdi.Убай ибн Каъб (розияллоҳу анҳу)дан ривоят қилинади: Масжид шийпонли бўлган пайтда Расулуллоҳ ﷺ бир хурмо танасига қараб намоз ўқир эдилар ва ўша танага суяниб хутба қилардилар. Ашобларидан бир киши: «Сизга жумъа куни устида турадиган, одамлар сизни кўрадиган ва хутбангизни эшитадиган бир нарса қилиб бермаймизми?» деди. У зот ﷺ: «Ҳа», дедилар. Шунда у зотга уч поғонали нарса ясади, у минбарда бўлган поғоналар эди. Минбар қўйилгач, уни ҳозирги турган жойига қўйишди. Расулуллоҳ ﷺ минбарга чиқмоқчи бўлганларида, ўзлари суяниб хутба қилиб турадиган тана ёнидан ўтдилар. Танадан ўтганларида, у ёрилиб, тарс этиб овоз чиқарди. Расулуллоҳ ﷺ тананинг овозини эшитиб пастга тушдилар ва уни қўллари билан силаб, у тинчигунча турдилар, сўнг минбарга қайтдилар. У зот намоз ўқиганларида унга қараб ўқирдилар. Масжид бузилиб ўзгартирилгач, у танани Убай ибн Каъб олиб қолди. У чириб, уни ёғоч қути еб, увоқ бўлиб қолгунича унинг уйида турди.