Irboz ibn Soriya (roziyallohu anhu)dan rivoyat qilinadi: Rasululloh ﷺ bizga koʻzlarni yoshlantiradigan, qalblarni titratadigan bir vaʼz qildilar. Biz: «Ey Rasululloh, bu xuddi xayrlashuvchining vaʼziga oʻxshaydi. Bizga nima buyurasiz?», dedik. U zot: «Men sizlarni tuni ham kunduzidek yorugʻ boʻlgan oydin yoʻlda qoldirdim. Mendan keyin undan faqat halok boʻluvchigina ogʻadi. Sizlardan kim yashasa, koʻp ixtiloflarni koʻradi. Bas, mening sunnatimni va toʻgʻri yoʻldan borgan hidoyatli xalifalarning sunnatini mahkam ushlanglar, unga jag tishlaringiz bilan yopishinglar. Habashiy bir qul boʻlsa ham, itoat qilishni oʻzingizga lozim tutinglar. Chunki moʻmin xuddi burniga halqa oʻtkazilgan tuyaga oʻxshaydi, qayoqqa yetaklansa, oʻshaqqa boradi», dedilar.Ирбоз ибн Сория (розияллоҳу анҳу)дан ривоят қилинади: Расулуллоҳ ﷺ бизга кўзларни ёшлантирадиган, қалбларни титратадиган бир ваъз қилдилар. Биз: «Эй Расулуллоҳ, бу худди хайрлашувчининг ваъзига ўхшайди. Бизга нима буюрасиз?», дедик. У зот: «Мен сизларни туни ҳам кундузидек ёруғ бўлган ойдин йўлда қолдирдим. Мендан кейин ундан фақат ҳалок бўлувчигина оғади. Сизлардан ким яшаса, кўп ихтилофларни кўради. Бас, менинг суннатимни ва тўғри йўлдан борган ҳидоятли халифаларнинг суннатини маҳкам ушланглар, унга жаг тишларингиз билан ёпишинглар. Ҳабаший бир қул бўлса ҳам, итоат қилишни ўзингизга лозим тутинглар. Чунки мўмин худди бурнига ҳалқа ўтказилган туяга ўхшайди, қаёққа етакланса, ўшаққа боради», дедилар.