حَدَّثَنَا مُحَمَّدُ بْنُ عُبَيْدِ بْنِ مَيْمُونٍ الْمَدَنِيُّ أَبُو عُبَيْدٍ، حَدَّثَنَا أَبِي، عَنْ مُحَمَّدِ بْنِ جَعْفَرِ بْنِ أَبِي كَثِيرٍ، عَنْ مُوسَى بْنِ عُقْبَةَ، عَنْ أَبِي إِسْحَاقَ، عَنْ أَبِي الأَحْوَصِ، عَنْ عَبْدِ اللَّهِ بْنِ مَسْعُودٍ، أَنَّ رَسُولَ اللَّهِ ـ صلى الله عليه وسلم ـ قَالَ " إِنَّمَا هُمَا اثْنَتَانِ الْكَلاَمُ وَالْهَدْىُ فَأَحْسَنُ الْكَلاَمِ كَلاَمُ اللَّهِ وَأَحْسَنُ الْهَدْىِ هَدْىُ مُحَمَّدٍ أَلاَ وَإِيَّاكُمْ وَمُحْدَثَاتِ الأُمُورِ فَإِنَّ شَرَّ الأُمُورِ مُحْدَثَاتُهَا وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلاَلَةٌ أَلاَ لاَ يَطُولَنَّ عَلَيْكُمُ الأَمَدُ فَتَقْسُوَ قُلُوبُكُمْ أَلاَ إِنَّ مَا هُوَ آتٍ قَرِيبٌ وَإِنَّمَا الْبَعِيدُ مَا لَيْسَ بِآتٍ أَلاَ إِنَّ الشَّقِيَّ مَنْ شَقِيَ فِي بَطْنِ أُمِّهِ وَالسَّعِيدَ مَنْ وُعِظَ بِغَيْرِهِ أَلاَ إِنَّ قِتَالَ الْمُؤْمِنِ كُفْرٌ وَسِبَابُهُ فُسُوقٌ وَلاَ يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاَثٍ أَلاَ وَإِيَّاكُمْ وَالْكَذِبَ فَإِنَّ الْكَذِبَ لاَ يَصْلُحُ بِالْجِدِّ وَلاَ بِالْهَزْلِ وَلاَ يَعِدِ الرَّجُلُ صَبِيَّهُ ثُمَّ لاَ يَفِيَ لَهُ فَإِنَّ الْكَذِبَ يَهْدِي إِلَى الْفُجُورِ وَإِنَّ الْفُجُورَ يَهْدِي إِلَى النَّارِ وَإِنَّ الصِّدْقَ يَهْدِي إِلَى الْبِرِّ وَإِنَّ الْبِرَّ يَهْدِي إِلَى الْجَنَّةِ وَإِنَّهُ يُقَالُ لِلصَّادِقِ صَدَقَ وَبَرَّ . وَيُقَالُ لِلْكَاذِبِ كَذَبَ وَفَجَرَ . أَلاَ وَإِنَّ الْعَبْدَ يَكْذِبُ حَتَّى يُكْتَبَ عِنْدَ اللَّهِ كَذَّابًا " .
Abdulloh ibn Masʼud (roziyallohu anhu)dan rivoyat qilinadi: Rasululloh ﷺ: «Ular faqat ikkitadir: kalom va hidoyat. Kalomning eng yaxshisi Allohning kalomidir, hidoyatning eng yaxshisi Muhammadning hidoyatidir. Ogoh boʻlinglar, yangi toʻqib chiqarilgan ishlardan saqlaninglar, chunki ishlarning eng yomoni ularning yangi toʻqib chiqarilganlaridir. Har bir yangilik bidʼatdir va har bir bidʼat zalolatdir. Ogoh boʻlinglar, umringiz uzayib, qalblaringiz qattiqlashib qolmasin. Ogoh boʻlinglar, keladigan narsa yaqindir. Uzoq narsa esa kelmaydigan narsadir. Ogoh boʻlinglar, badbaxt kishi onasining qornidaligidayoq badbaxt boʻlgan kishidir, saodatmand kishi esa oʻzgadan ibrat olgan kishidir. Ogoh boʻlinglar, moʻmin bilan urushmoq kufrdir, unga soʻkinmoq fisqdir. Musulmon kishiga birodari bilan uch kundan ortiq qahrlashib yurishi halol emas. Ogoh boʻlinglar, yolgʻondan saqlaninglar, chunki yolgʻon na jiddiyda, na hazilda toʻgʻri kelmaydi. Kishi bolasiga bir narsani vaʼda qilib, keyin uni bajarmasligi durust emas. Chunki yolgʻon fujurga yetaklaydi, fujur esa doʻzaxga yetaklaydi. Rostgoʻylik esa yaxshilikka yetaklaydi, yaxshilik esa jannatga yetaklaydi. Rostgoʻy kishi haqida: rost soʻzladi va yaxshilik qildi, deyiladi. Yolgʻonchi haqida esa: yolgʻon gapirdi va fujur qildi, deyiladi. Ogoh boʻlinglar, banda yolgʻon gapiraveradi, hatto Alloh huzurida yolgʻonchi deb yozib qoʻyiladi», dedilar.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ: «Улар фақат иккитадир: калом ва ҳидоят. Каломнинг энг яхшиси Аллоҳнинг каломидир, ҳидоятнинг энг яхшиси Муҳаммаднинг ҳидоятидир. Огоҳ бўлинглар, янги тўқиб чиқарилган ишлардан сақланинглар, чунки ишларнинг энг ёмони уларнинг янги тўқиб чиқарилганларидир. Ҳар бир янгилик бидъатдир ва ҳар бир бидъат залолатдир. Огоҳ бўлинглар, умрингиз узайиб, қалбларингиз қаттиқлашиб қолмасин. Огоҳ бўлинглар, келадиган нарса яқиндир. Узоқ нарса эса келмайдиган нарсадир. Огоҳ бўлинглар, бадбахт киши онасининг қорнидалигидаёқ бадбахт бўлган кишидир, саодатманд киши эса ўзгадан ибрат олган кишидир. Огоҳ бўлинглар, мўмин билан урушмоқ куфрдир, унга сўкинмоқ фисқдир. Мусулмон кишига биродари билан уч кундан ортиқ қаҳрлашиб юриши ҳалол эмас. Огоҳ бўлинглар, ёлғондан сақланинглар, чунки ёлғон на жиддийда, на ҳазилда тўғри келмайди. Киши боласига бир нарсани ваъда қилиб, кейин уни бажармаслиги дуруст эмас. Чунки ёлғон фужурга етаклайди, фужур эса дўзахга етаклайди. Ростгўйлик эса яхшиликка етаклайди, яхшилик эса жаннатга етаклайди. Ростгўй киши ҳақида: рост сўзлади ва яхшилик қилди, дейилади. Ёлғончи ҳақида эса: ёлғон гапирди ва фужур қилди, дейилади. Огоҳ бўлинглар, банда ёлғон гапираверади, ҳатто Аллоҳ ҳузурида ёлғончи деб ёзиб қўйилади», дедилар.