Amr ibn Said aytadi: Men va Abu Salama ibn Abdurrahmon Jobir ibn Abdulloh (roziyallohu anhumo)ning huzuriga kirdik va uni egnida izor bilan turib namoz oʻqiyotgan holda topdik. U hadisning bir qismini zikr qilib, dedi: Biz Rasululloh ﷺ bilan birga keldik. U zot biror hojatlari uchun chiqdilar, men u zotga taharat suvini quydim, u zot taharat qilib, izorlariga oʻrandilar. Men u zotning chap tomonlarida turdim, u zot meni oʻng tomonlariga oʻtkazdilar. Soʻng boshqa birov kelib, chap tomonlarida turdi. Rasululloh ﷺ oldinga oʻtib namoz oʻqidilar, biz ham u zot bilan oʻqidik. U zot vitr bilan oʻn uch rakat oʻqidilar.Амр ибн Саид айтади: Мен ва Абу Салама ибн Абдурраҳмон Жобир ибн Абдуллоҳ (розияллоҳу анҳумо)нинг ҳузурига кирдик ва уни эгнида изор билан туриб намоз ўқиётган ҳолда топдик. У ҳадиснинг бир қисмини зикр қилиб, деди: Биз Расулуллоҳ ﷺ билан бирга келдик. У зот бирор ҳожатлари учун чиқдилар, мен у зотга таҳарат сувини қуйдим, у зот таҳарат қилиб, изорларига ўрандилар. Мен у зотнинг чап томонларида турдим, у зот мени ўнг томонларига ўтказдилар. Сўнг бошқа биров келиб, чап томонларида турди. Расулуллоҳ ﷺ олдинга ўтиб намоз ўқидилар, биз ҳам у зот билан ўқидик. У зот витр билан ўн уч ракат ўқидилар.