Ibn Abbos (roziyallohu anhumo)dan rivoyat qilinadi: Iroq ahlidan ikki kishi uning oldiga kelib, undan juma kunidagi gʻusl haqida — u vojibmi, deb soʻradilar. Ibn Abbos ularga dedi: «Kim gʻusl qilsa, bu yaxshiroq va pokroqdir. Men sizlarga gʻusl nimadan boshlanganini aytib beraman: Rasululloh ﷺ zamonlarida odamlar muhtoj edilar, jun kiyim kiyar va xurmoni yelkalarida suv tashib sugʻorar edilar. Masjid esa tor, shifti past edi. Rasululloh ﷺ juma kuni — issigʻi qattiq yoz kunida — chiqdilar; u zotning minbarlari past, atigi uch zinali edi. U zot odamlarga xutba qildilar, odamlar esa jun kiyim ichida terlab ketdilar va ulardan ter hamda jun hidi koʻtarildi, hatto ular bir-birlariga ozor bera boshladilar; hidlari minbar ustidagi Rasululloh ﷺ ga ham yetdi. Shunda u zot: ‹Ey odamlar, mana shu kun boʻlganda gʻusl qilinglar va biringiz oʻz xushboʻyligidan yoki moyidan topganining eng yaxshisini surtsin›, dedilar».Ибн Аббос (розияллоҳу анҳумо)дан ривоят қилинади: Ироқ аҳлидан икки киши унинг олдига келиб, ундан жума кунидаги ғусл ҳақида — у вожибми, деб сўрадилар. Ибн Аббос уларга деди: «Ким ғусл қилса, бу яхшироқ ва покроқдир. Мен сизларга ғусл нимадан бошланганини айтиб бераман: Расулуллоҳ ﷺ замонларида одамлар муҳтож эдилар, жун кийим кияр ва хурмони елкаларида сув ташиб суғорар эдилар. Масжид эса тор, шифти паст эди. Расулуллоҳ ﷺ жума куни — иссиғи қаттиқ ёз кунида — чиқдилар; у зотнинг минбарлари паст, атиги уч зинали эди. У зот одамларга хутба қилдилар, одамлар эса жун кийим ичида терлаб кетдилар ва улардан тер ҳамда жун ҳиди кўтарилди, ҳатто улар бир-бирларига озор бера бошладилар; ҳидлари минбар устидаги Расулуллоҳ ﷺ га ҳам етди. Шунда у зот: ‹Эй одамлар, мана шу кун бўлганда ғусл қилинглар ва бирингиз ўз хушбўйлигидан ёки мойидан топганининг энг яхшисини суртсин›, дедилар».