Abu Hurayra (roziyallohu anhu) dedi: Rasululloh ﷺ odamlarga xutba qilib: «Albatta, Alloh sizlarga hajni farz qildi», dedilar. Shunda bir kishi: «Har yilimi, yo Rasululloh?» dedi. U zot undan sukut qildilar, hatto u buni uch marta takrorladi. Soʻng u zot: «Agar ‹ha› desam, vojib boʻlar edi; vojib boʻlganida esa sizlar uni ado eta olmas edingiz», dedilar. Va: «Men sizlarni qoʻyib qoʻygan narsada meni tinch qoʻyinglar. Zero, sizlardan oldingilar savollarining koʻpligi va paygʻambarlariga qarshi ixtiloflari sababli halok boʻldilar. Bas, men sizlarni biror narsaga buyursam, imkoningiz boricha uni bajaringlar; biror narsadan qaytarsam, undan tiyilinglar», dedilar. (Roviy) dedi: Shunda: {Sizlarga oshkor qilinsa, yomon koʻradigan narsalar haqida soʻramanglar} (oyati) nozil boʻldi.Абу Ҳурайра (розияллоҳу анҳу) деди: Расулуллоҳ ﷺ одамларга хутба қилиб: «Албатта, Аллоҳ сизларга ҳажни фарз қилди», дедилар. Шунда бир киши: «Ҳар йилими, ё Расулуллоҳ?» деди. У зот ундан сукут қилдилар, ҳатто у буни уч марта такрорлади. Сўнг у зот: «Агар ‹ҳа› десам, вожиб бўлар эди; вожиб бўлганида эса сизлар уни адо эта олмас эдингиз», дедилар. Ва: «Мен сизларни қўйиб қўйган нарсада мени тинч қўйинглар. Зеро, сизлардан олдингилар саволларининг кўплиги ва пайғамбарларига қарши ихтилофлари сабабли ҳалок бўлдилар. Бас, мен сизларни бирор нарсага буюрсам, имконингиз борича уни бажаринглар; бирор нарсадан қайтарсам, ундан тийилинглар», дедилар. (Ровий) деди: Шунда: {Сизларга ошкор қилинса, ёмон кўрадиган нарсалар ҳақида сўраманглар} (ояти) нозил бўлди.