Abu Muso (roziyallohu anhu)dan rivoyat qilinadi: Paygʻambar ﷺ: «Alloh meni (yuborgan) hidoyat va ilmning misoli — yerga yoqqan moʻl yomgʻirga oʻxshaydi. (Yerning) bir qismi unumdor boʻlib, suvni shimib, koʻp oʻt-oʻlan oʻstirdi. Bir qismi qattiq (zovur) boʻlib, suvni (oʻzida) ushlab qoldi; Alloh u bilan odamlarga foyda berdi — ular undan ichdilar, (mol)larini sugʻordilar va (yer) ekishda foydalandilar. Yana bir qismi esa tep-tekis (shoʻr) yer boʻlib, na suvni ushladi, na oʻsimlik oʻstirdi. Mana shu — Allohning dinini anglab, men orqali yuborilgan (ilm)dan foyda topgan, oʻrganib (boshqalarga) oʻrgatgan kishi bilan, (bunga) eʼtibor bermagan, men orqali (yuborilgan) Alloh hidoyatini qabul qilmagan kishining misolidir», — dedilar.Абу Мусо (розияллоҳу анҳу)дан ривоят қилинади: Пайғамбар ﷺ: «Аллоҳ мени (юборган) ҳидоят ва илмнинг мисоли — ерга ёққан мўл ёмғирга ўхшайди. (Ернинг) бир қисми унумдор бўлиб, сувни шимиб, кўп ўт-ўлан ўстирди. Бир қисми қаттиқ (зовур) бўлиб, сувни (ўзида) ушлаб қолди; Аллоҳ у билан одамларга фойда берди — улар ундан ичдилар, (мол)ларини суғордилар ва (ер) экишда фойдаландилар. Яна бир қисми эса теп-текис (шўр) ер бўлиб, на сувни ушлади, на ўсимлик ўстирди. Мана шу — Аллоҳнинг динини англаб, мен орқали юборилган (илм)дан фойда топган, ўрганиб (бошқаларга) ўргатган киши билан, (бунга) эътибор бермаган, мен орқали (юборилган) Аллоҳ ҳидоятини қабул қилмаган кишининг мисолидир», — дедилар.