وَعَنْ أَبِي قَتَادَةَ أَنَّهُ خَرَجَ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَتَخَلَّفَ مَعَ بَعْضِ أَصْحَابِهِ وَهُمْ مُحْرِمُونَ وَهُوَ غَيْرُ مُحْرِمٍ فَرَأَوْا حِمَارًا وَحْشِيًّا قَبْلَ أَنْ يَرَاهُ فَلَمَّا رَأَوْهُ تَرَكُوهُ حَتَّى رَآهُ أَبُو قَتَادَةَ فَرَكِبَ فَرَسًا لَهُ فَسَأَلَهُمْ أَنْ يُنَاوِلُوهُ سَوْطَهُ فَأَبَوْا فَتَنَاوَلَهُ فَحَمَلَ عَلَيْهِ فَعَقَرَهُ ثُمَّ أَكَلَ فَأَكَلُوا فَنَدِمُوا فَلَمَّا أَدْرَكُوا رَسُولَ اللَّهِ صَلَّى اللَّهُ عَلَيْهِ وَسَلَّمَ سَأَلُوهُ. قَالَ: «هَلْ مَعَكُمْ مِنْهُ شَيْءٌ؟» قَالُوا: مَعَنَا رِجْلُهُ فَأَخَذَهَا النَّبِيُّ صَلَّى الله عَلَيْهِ وَسلم فَأكلهَا وَفِي رِوَايَةٍ لَهُمَا: فَلَمَّا أَتَوْا رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «أَمِنْكُمْ أَحَدٌ أَمَرَهُ أَنْ يَحْمِلَ عَلَيْهَا؟ أَوْ أَشَارَ إِلَيْهَا؟» قَالُوا: لَا قَالَ: «فَكُلُوا مَا بَقِيَ مِنْ لَحمهَا»
Abu Qatoda (roziyallohu anhu)dan rivoyat qilinadi: U Rasululloh ﷺ bilan (safarga) chiqdi. Oʻzi ehromda boʻlmagan holda, ehromdagi baʼzi sahobalar bilan orqada qoldi. Ular yovvoyi eshakni Abu Qatoda koʻrishidan oldin koʻrib qolishdi, ammo (ehromda boʻlganlari uchun) unga tegmadilar. Abu Qatoda uni koʻrgach, otiga minib, ulardan qamchisini uzatishlarini soʻradi. Ular (bermay) rad qilishdi, shunda oʻzi olib, (eshakka) hujum qilib, uni oʻldirdi. Soʻng (Abu Qatoda) yedi, ular ham yedilar. Keyin nadomat qildilar. Rasululloh ﷺga yetib olganlarida, u zotdan (bu haqda) soʻrashdi. U zot: «Yoningizda undan biror narsa bormi?» dedilar. Ular: «Yonimizda uning oyogʻi bor», dedilar. Nabiy ﷺ uni olib, yedilar. Ikkovining (Buxoriy va Muslim) rivoyatida: Rasululloh ﷺning oldilariga kelganlarida, u zot: «Sizlardan biror kishi unga hujum qilishni buyurdimi yoki unga ishora qildimi?» dedilar. Ular: «Yoʻq», dedilar. U zot: «Unday boʻlsa, goʻshtidan qolganini yenglar», dedilar. Buxoriy va Muslim rivoyat qilgan.Абу Қатода (розияллоҳу анҳу)дан ривоят қилинади: У Расулуллоҳ ﷺ билан (сафарга) чиқди. Ўзи эҳромда бўлмаган ҳолда, эҳромдаги баъзи саҳобалар билан орқада қолди. Улар ёввойи эшакни Абу Қатода кўришидан олдин кўриб қолишди, аммо (эҳромда бўлганлари учун) унга тегмадилар. Абу Қатода уни кўргач, отига миниб, улардан қамчисини узатишларини сўради. Улар (бермай) рад қилишди, шунда ўзи олиб, (эшакка) ҳужум қилиб, уни ўлдирди. Сўнг (Абу Қатода) еди, улар ҳам едилар. Кейин надомат қилдилар. Расулуллоҳ ﷺга етиб олганларида, у зотдан (бу ҳақда) сўрашди. У зот: «Ёнингизда ундан бирор нарса борми?» дедилар. Улар: «Ёнимизда унинг оёғи бор», дедилар. Набий ﷺ уни олиб, едилар. Икковининг (Бухорий ва Муслим) ривоятида: Расулуллоҳ ﷺнинг олдиларига келганларида, у зот: «Сизлардан бирор киши унга ҳужум қилишни буюрдими ёки унга ишора қилдими?» дедилар. Улар: «Йўқ», дедилар. У зот: «Ундай бўлса, гўштидан қолганини енглар», дедилар. Бухорий ва Муслим ривоят қилган.