Abu Said al-Xudriy (roziyallohu anhu)dan rivoyat qilinadi: Nabiy ﷺ huzuriga janoza namozini oʻqishlari uchun bir janoza keltirildi. U zot: «Sohibingizning zimmasida qarz bormi?», dedilar. «Ha», deyishdi. U zot: «U (qarzni) ado etadigan biror narsa qoldirganmi?», dedilar. «Yoʻq», deyishdi. U zot: «Sohibingizga oʻzingiz namoz oʻqing», dedilar. Ali ibn Abu Tolib (roziyallohu anhu): «Uning qarzi mening zimmamda, ey Rasululloh», dedi. Shunda u zot oldinga oʻtib, unga namoz oʻqidilar. Boshqa bir rivoyatda shu maʼnoda kelgan va u zot: «Sen musulmon birodaringning garovini ado etganing kabi, Alloh sening garovingni ham doʻzaxdan ozod qilsin! Qaysi bir musulmon banda oʻz birodari uchun uning qarzini ado etsa, albatta, Alloh qiyomat kunida uning garovini ozod qiladi», dedilar. Sharh as-sunnada rivoyat qilingan.Абу Саид ал-Худрий (розияллоҳу анҳу)дан ривоят қилинади: Набий ﷺ ҳузурига жаноза намозини ўқишлари учун бир жаноза келтирилди. У зот: «Соҳибингизнинг зиммасида қарз борми?», дедилар. «Ҳа», дейишди. У зот: «У (қарзни) адо этадиган бирор нарса қолдирганми?», дедилар. «Йўқ», дейишди. У зот: «Соҳибингизга ўзингиз намоз ўқинг», дедилар. Али ибн Абу Толиб (розияллоҳу анҳу): «Унинг қарзи менинг зиммамда, эй Расулуллоҳ», деди. Шунда у зот олдинга ўтиб, унга намоз ўқидилар. Бошқа бир ривоятда шу маънода келган ва у зот: «Сен мусулмон биродарингнинг гаровини адо этганинг каби, Аллоҳ сенинг гаровингни ҳам дўзахдан озод қилсин! Қайси бир мусулмон банда ўз биродари учун унинг қарзини адо этса, албатта, Аллоҳ қиёмат кунида унинг гаровини озод қилади», дедилар. Шарҳ ас-суннада ривоят қилинган.