Oisha (roziyallohu anho)dan rivoyat qilinadi: Makka ahli oʻz asirlarini fidya qilish uchun (mol) yuborganlarida, Zaynab Abul-Os uchun fidya qilib mol yubordi va u bilan birga oʻzining bir marvarid shodasini ham yubordiki, u shoda Xadijada boʻlgan va u (Xadija) buni unga Abul-Osga uzatilayotganda kiygazgan edi. (Oisha) aytadi: Rasululloh ﷺ uni koʻrganlarida, juda qattiq mehribonlik bilan rahmlari keldi va: «Agar uning asirini ozod qilib, oʻziniki boʻlgan narsani unga qaytarishni maʼqul koʻrsangizlar, (shunday qiling)», dedilar. Ular: «Ha (xoʻp)», deyishdi. Rasululloh ﷺ undan (Abul-Osdan) Zaynabni oʻzlariga (Madinaga) qoʻyib yuborishi haqida ahd olgan yoki vaʼda olgan edilar. Rasululloh ﷺ Zayd ibn Horisa bilan ansorlardan bir kishini yubordilar va: «Yaʼjij vodiysida turinglar, to Zaynab yoningizdan oʻtguncha, soʻng unga hamroh boʻlinglar va uni (oldimga) olib kelinglar», dedilar.Оиша (розияллоҳу анҳо)дан ривоят қилинади: Макка аҳли ўз асирларини фидя қилиш учун (мол) юборганларида, Зайнаб Абул-Ос учун фидя қилиб мол юборди ва у билан бирга ўзининг бир марварид шодасини ҳам юбордики, у шода Хадижада бўлган ва у (Хадижа) буни унга Абул-Осга узатилаётганда кийгазган эди. (Оиша) айтади: Расулуллоҳ ﷺ уни кўрганларида, жуда қаттиқ меҳрибонлик билан раҳмлари келди ва: «Агар унинг асирини озод қилиб, ўзиники бўлган нарсани унга қайтаришни маъқул кўрсангизлар, (шундай қилинг)», дедилар. Улар: «Ҳа (хўп)», дейишди. Расулуллоҳ ﷺ ундан (Абул-Осдан) Зайнабни ўзларига (Мадинага) қўйиб юбориши ҳақида аҳд олган ёки ваъда олган эдилар. Расулуллоҳ ﷺ Зайд ибн Ҳориса билан ансорлардан бир кишини юбордилар ва: «Яъжиж водийсида туринглар, то Зайнаб ёнингиздан ўтгунча, сўнг унга ҳамроҳ бўлинглар ва уни (олдимга) олиб келинглар», дедилар.