Nofiʼ ibn Utba (roziyallohu anhu)dan rivoyat qilinadi: Biz Rasululloh ﷺ bilan bir gʻazotda edik. Nabiy ﷺ huzuriga gʻarb tomondan ustlarida jun kiyimlar boʻlgan bir qavm keldi va u zotga bir tepalik yonida duch keldilar. Ular tik turishar, Rasululloh ﷺ esa oʻtirgan edilar. Koʻnglim menga: «Ularning oldiga borib, sen ular bilan u zotning oʻrtasida turgin, ular u zotni gʻaflatda (suiqasd qilib) oʻldirib qoʻymasin», dedi. Soʻng men: «Balki u zot ular bilan maxfiy (suhbat) qilayotgandir», dedim. Soʻng ularning oldiga borib, ular bilan u zotning oʻrtasida turdim. Men u zotdan toʻrtta soʻzni yodlab oldim, ularni qoʻlimda (barmoqlarimda) sanardim. U zot: «Sizlar Arab yarim oroliga gʻazot qilasizlar, Alloh uni fath etib beradi; soʻng Forsga (gʻazot qilasizlar), Alloh uni fath etib beradi; soʻng Rumga gʻazot qilasizlar, Alloh uni fath etib beradi; soʻng Dajjolga (qarshi) gʻazot qilasizlar, Alloh uni fath etib beradi», — dedilar. Nofiʼ: «Ey Jobir! Biz Rum fath etilmaguncha Dajjol chiqmaydi, deb hisoblar edik», dedi.Нофиъ ибн Утба (розияллоҳу анҳу)дан ривоят қилинади: Биз Расулуллоҳ ﷺ билан бир ғазотда эдик. Набий ﷺ ҳузурига ғарб томондан устларида жун кийимлар бўлган бир қавм келди ва у зотга бир тепалик ёнида дуч келдилар. Улар тик туришар, Расулуллоҳ ﷺ эса ўтирган эдилар. Кўнглим менга: «Уларнинг олдига бориб, сен улар билан у зотнинг ўртасида тургин, улар у зотни ғафлатда (суиқасд қилиб) ўлдириб қўймасин», деди. Сўнг мен: «Балки у зот улар билан махфий (суҳбат) қилаётгандир», дедим. Сўнг уларнинг олдига бориб, улар билан у зотнинг ўртасида турдим. Мен у зотдан тўртта сўзни ёдлаб олдим, уларни қўлимда (бармоқларимда) санардим. У зот: «Сизлар Араб ярим оролига ғазот қиласизлар, Аллоҳ уни фатҳ этиб беради; сўнг Форсга (ғазот қиласизлар), Аллоҳ уни фатҳ этиб беради; сўнг Румга ғазот қиласизлар, Аллоҳ уни фатҳ этиб беради; сўнг Дажжолга (қарши) ғазот қиласизлар, Аллоҳ уни фатҳ этиб беради», — дедилар. Нофиъ: «Эй Жобир! Биз Рум фатҳ этилмагунча Дажжол чиқмайди, деб ҳисоблар эдик», деди.