Abu Ubayda ibn al-Jarroh (roziyallohu anhu)dan rivoyat qilinadi: U: «Men Rasululloh ﷺning: ‹Nuhdan keyin har bir Paygʻambar oʻz qavmini Dajjoldan ogohlantirgan, men ham sizlarni undan ogohlantiraman›, deganlarini eshitdim», dedi. Soʻng Rasululloh ﷺ uni bizga taʼriflab berdilar va: «Boʻlishi mumkinki, meni koʻrgan yoki gapimni eshitgan baʼzilaringiz unga yetib boradi», dedilar. Ular: «Ey Allohning Rasuli, oʻsha kuni qalblarimiz qanday boʻladi?» dedilar. U zot: «Bugungiday yoki undan ham yaxshiroq», dedilar. Abu Iso aytdi: Bu bobda Abdulloh ibn Busr, Abdulloh ibn al-Horis ibn Juzayy, Abdulloh ibn Mugʻaffal va Abu Hurayradan ham (rivoyatlar) bor. Bu hadis Abu Ubayda ibn al-Jarroh hadisidan hasan gʻaribdir, uni faqat Xolid al-Hazzo hadisidan bilamiz. Shuʼba ham uni Xolid al-Hazzodan rivoyat qilgan. Abu Ubayda ibn al-Jarrohning ismi Omir ibn Abdulloh ibn al-Jarrohdir.Абу Убайда ибн ал-Жарроҳ (розияллоҳу анҳу)дан ривоят қилинади: У: «Мен Расулуллоҳ ﷺнинг: ‹Нуҳдан кейин ҳар бир Пайғамбар ўз қавмини Дажжолдан огоҳлантирган, мен ҳам сизларни ундан огоҳлантираман›, деганларини эшитдим», деди. Сўнг Расулуллоҳ ﷺ уни бизга таърифлаб бердилар ва: «Бўлиши мумкинки, мени кўрган ёки гапимни эшитган баъзиларингиз унга етиб боради», дедилар. Улар: «Эй Аллоҳнинг Расули, ўша куни қалбларимиз қандай бўлади?» дедилар. У зот: «Бугунгидай ёки ундан ҳам яхшироқ», дедилар. Абу Исо айтди: Бу бобда Абдуллоҳ ибн Буср, Абдуллоҳ ибн ал-Ҳорис ибн Жузайй, Абдуллоҳ ибн Муғаффал ва Абу Ҳурайрадан ҳам (ривоятлар) бор. Бу ҳадис Абу Убайда ибн ал-Жарроҳ ҳадисидан ҳасан ғарибдир, уни фақат Холид ал-Ҳаззо ҳадисидан биламиз. Шуъба ҳам уни Холид ал-Ҳаззодан ривоят қилган. Абу Убайда ибн ал-Жарроҳнинг исми Омир ибн Абдуллоҳ ибн ал-Жарроҳдир.