وَعَنْهُ قَالَ: بَيْنَمَا نَبِيُّ اللَّهِ صَلَّى اللَّهُ عَلَيْهِ وَسَلَّمَ جَالِسٌ وَأَصْحَابُهُ إِذْ أَتَى عَلَيْهِمْ سَحَابٌ فَقَالَ نَبِيُّ اللَّهِ صَلَّى اللَّهُ عَلَيْهِ وَسَلَّمَ: «هَلْ تَدْرُونَ مَا هَذَا؟» . قَالُوا: اللَّهُ وَرَسُولُهُ أَعْلَمُ. قَالَ: «هَذِهِ الْعَنَانُ هَذِهِ رَوَايَا الْأَرْضِ يَسُوقُهَا اللَّهُ إِلَى قَوْمٍ لَا يَشْكُرُونَهُ وَلَا يَدعُونَهُ» . ثمَّ قَالَ: «هَل تَدْرُونَ من فَوْقَكُمْ؟» قَالُوا: اللَّهُ وَرَسُولُهُ أَعْلَمُ. قَالَ: «فَإِنَّهَا الرَّقِيعُ سَقْفٌ مَحْفُوظٌ وَمَوْجٌ مَكْفُوفٌ» . ثُمَّ قَالَ: «هَلْ تَدْرُونَ مَا بَيْنَكُمْ وَبَيْنَهَا؟» قَالُوا: اللَّهُ وَرَسُولُهُ أَعْلَمُ. قَالَ: «بَيْنَكُمْ وَبَيْنَهَا خَمْسُمِائَةِ عَامٍ» ثُمَّ قَالَ: «هَلْ تَدْرُونَ مَا فَوْقَ ذَلِكَ؟» . قَالُوا: اللَّهُ ورسولُه أعلمُ. قَالَ: «سماءانِ بُعْدُ مَا بَيْنَهُمَا خَمْسُمِائَةِ سَنَةٍ» . ثُمَّ قَالَ كَذَلِكَ حَتَّى عَدَّ سَبْعَ سَمَاوَاتٍ «مَا بَيْنَ كُلِّ سَمَاءَيْنِ مَا بَيْنَ السَّمَاءِ وَالْأَرْضِ» . ثُمَّ قَالَ: «هَلْ تَدْرُونَ مَا فَوْقَ ذَلِكَ؟» قَالُوا: اللَّهُ وَرَسُولُهُ أَعْلَمُ. قَالَ: «إِنَّ فَوْقَ ذَلِكَ الْعَرْشُ وَبَيْنَهُ وَبَيْنَ السَّمَاءِ بُعْدُ مَا بَيْنَ السَّماءين» . ثُمَّ قَالَ: «هَلْ تَدْرُونَ مَا تَحْتَ ذَلِكَ؟» . قَالُوا: اللَّهُ وَرَسُولُهُ أَعْلَمُ. قَالَ: «إِنَّ تَحْتَهَا أَرْضًا أُخْرَى بَيْنَهُمَا مَسِيرَةُ خَمْسِمِائَةِ سَنَةٍ» . حَتَّى عدَّ سَبْعَ أَرضين بَين كلَّ أَرضين مسيرَة خَمْسمِائَة سنة " قَالَ: «وَالَّذِي نَفْسُ مُحَمَّدٍ بِيَدِهِ لَوْ أَنَّكُمْ دَلَّيْتُمْ بِحَبْلٍ إِلَى الْأَرْضِ السُّفْلَى لَهَبَطَ عَلَى اللَّهِ» ثُمَّ قَرَأَ (هُوَ الْأَوَّلُ وَالْآخِرُ وَالظَّاهِرُ وَالْبَاطِنُ وَهُوَ بِكُلِّ شيءٍ عليم) رَوَاهُ أَحْمَدُ وَالتِّرْمِذِيُّ. وَقَالَ التِّرْمِذِيُّ: قِرَاءَةُ رَسُولِ اللَّهِ صَلَّى اللَّهُ عَلَيْهِ وَسَلَّمَ الْآيَةَ تَدُلُّ على أَنه أَرَادَ الهبط عَلَى عِلْمِ اللَّهِ وَقُدْرَتِهِ وَسُلْطَانِهِ وَعِلْمُ اللَّهِ وَقُدْرَتُهُ وَسُلْطَانُهُ فِي كُلِّ مَكَانٍ وَهُوَ عَلَى الْعَرْش كَمَا وصف نَفسه فِي كِتَابه
Abu Hurayra (roziyallohu anhu)dan rivoyat qilinadi: «Allohning Paygʻambari ﷺ sahobalari bilan oʻtirgan edilar. Shu payt ularning ustiga bir bulut keldi. Allohning Paygʻambari ﷺ: ‹Bu nima ekanini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹Bu — bulut, bu — yer (suvi)ni tashuvchilardir. Allohu taborak va taolo uni Oʻziga shukr qilmaydigan va Oʻziga duo qilmaydigan qavmga haydaydi›, dedilar. Soʻng: ‹Ustingizda nima borligini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹U — saqlangan tom va toʻxtatib qoʻyilgan (osmon) tovqidir›, dedilar. Soʻng: ‹Siz bilan uning orasi qancha ekanini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹Siz bilan uning orasi besh yuz yillik masofadir›, dedilar. Soʻng: ‹Uning ustida nima borligini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹Uning ustida ikki osmon bor, ularning orasi besh yuz yillik masofadir›, dedilar», deya u zot yetti osmonni sanadilar; har ikki osmon orasi osmon bilan yer orasidagidekdir. Soʻng: ‹Uning ustida nima borligini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹Uning ustida Arsh bor, u bilan osmon orasi ikki osmon orasidagidek uzoqlikdadir›, dedilar. Soʻng: ‹Ostingizda nima borligini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹U — yerdir›, dedilar. Soʻng: ‹Uning ostida nima borligini bilasizlarmi?› dedilar. Ular: ‹Alloh va Uning Rasuli yaxshiroq biluvchidir›, dedilar. U zot: ‹Uning ostida boshqa bir yer bor, ikkalasi orasi besh yuz yillik masofadir›, dedilar», deya u zot yetti yerni sanadilar; har ikki yer orasi besh yuz yillik masofadir. Soʻng u zot: «Muhammadning joni qoʻlida boʻlgan Zot bilan qasamki, agar siz bir kishini arqon bilan eng quyi yerga tushirib yuborsangiz ham, u Allohga (Uning ilmiga) tushadi», dedilar. Soʻng: {U Avval va Oxir, Zohir va Botindir. U har bir narsani biluvchidir} (Hadid 3) (oyatini) oʻqidilar. Abu Iso aytdi: Bu hadis shu yoʻldan gʻaribdir. U aytdi: Ayyub, Yunus ibn Ubayd va Ali ibn Zayddan rivoyat qilinishicha, ular: «Hasan Abu Hurayradan (hadis) eshitmagan», dedilar. Baʼzi ilm ahli bu hadisni izohlab: «(Kishi) faqat Allohning ilmi, qudrati va sultoniga tushadi; Allohning ilmi, qudrati va sultoni har bir joydadir, Oʻzi esa Kitobida vasf qilganidek, Arsh ustidadir», dedilar.Абу Ҳурайра (розияллоҳу анҳу)дан ривоят қилинади: «Аллоҳнинг Пайғамбари ﷺ саҳобалари билан ўтирган эдилар. Шу пайт уларнинг устига бир булут келди. Аллоҳнинг Пайғамбари ﷺ: ‹Бу нима эканини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹Бу — булут, бу — ер (суви)ни ташувчилардир. Аллоҳу таборак ва таоло уни Ўзига шукр қилмайдиган ва Ўзига дуо қилмайдиган қавмга ҳайдайди›, дедилар. Сўнг: ‹Устингизда нима борлигини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹У — сақланган том ва тўхтатиб қўйилган (осмон) товқидир›, дедилар. Сўнг: ‹Сиз билан унинг ораси қанча эканини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹Сиз билан унинг ораси беш юз йиллик масофадир›, дедилар. Сўнг: ‹Унинг устида нима борлигини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹Унинг устида икки осмон бор, уларнинг ораси беш юз йиллик масофадир›, дедилар», дея у зот етти осмонни санадилар; ҳар икки осмон ораси осмон билан ер орасидагидекдир. Сўнг: ‹Унинг устида нима борлигини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹Унинг устида Арш бор, у билан осмон ораси икки осмон орасидагидек узоқликдадир›, дедилар. Сўнг: ‹Остингизда нима борлигини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹У — ердир›, дедилар. Сўнг: ‹Унинг остида нима борлигини биласизларми?› дедилар. Улар: ‹Аллоҳ ва Унинг Расули яхшироқ билувчидир›, дедилар. У зот: ‹Унинг остида бошқа бир ер бор, иккаласи ораси беш юз йиллик масофадир›, дедилар», дея у зот етти ерни санадилар; ҳар икки ер ораси беш юз йиллик масофадир. Сўнг у зот: «Муҳаммаднинг жони қўлида бўлган Зот билан қасамки, агар сиз бир кишини арқон билан энг қуйи ерга тушириб юборсангиз ҳам, у Аллоҳга (Унинг илмига) тушади», дедилар. Сўнг: {У Аввал ва Охир, Зоҳир ва Ботиндир. У ҳар бир нарсани билувчидир} (Ҳадид 3) (оятини) ўқидилар. Абу Исо айтди: Бу ҳадис шу йўлдан ғарибдир. У айтди: Айюб, Юнус ибн Убайд ва Али ибн Зайддан ривоят қилинишича, улар: «Ҳасан Абу Ҳурайрадан (ҳадис) эшитмаган», дедилар. Баъзи илм аҳли бу ҳадисни изоҳлаб: «(Киши) фақат Аллоҳнинг илми, қудрати ва султонига тушади; Аллоҳнинг илми, қудрати ва султони ҳар бир жойдадир, Ўзи эса Китобида васф қилганидек, Арш устидадир», дедилар.