وَعَن ابْن عَبَّاس قَالَ: جَلَسَ نَاسٌ مِنْ أَصْحَابِ رَسُولِ اللَّهِ صَلَّى اللَّهُ عَلَيْهِ وَسَلَّمَ فَخَرَجَ حَتَّى إِذَا دَنَا مِنْهُمْ سَمِعَهُمْ يَتَذَاكَرُونَ قَالَ بَعْضُهُمْ: إِنَّ اللَّهَ اتَّخَذَ إِبْرَاهِيمَ خَلِيلًا وَقَالَ آخَرُ: مُوسَى كَلَّمَهُ اللَّهُ تَكْلِيمًا وَقَالَ آخَرُ: فَعِيسَى كَلِمَةُ الله وروحه. وَقَالَ آخَرُ: آدَمُ اصْطَفَاهُ اللَّهُ فَخَرَجَ عَلَيْهِمْ رَسُولُ اللَّهِ صَلَّى اللَّهُ عَلَيْهِ وَسَلَّمَ وَقَالَ: «قَدْ سَمِعْتُ كَلَامَكُمْ وَعَجَبَكُمْ أَنَّ إِبْرَاهِيمَ خَلِيل الله وَهُوَ كَذَلِكَ وَآدَمُ اصْطَفَاهُ اللَّهُ وَهُوَ كَذَلِكَ أَلَا وَأَنَا حَبِيبُ اللَّهِ وَلَا فَخْرَ وَأَنَا حَامِلُ لِوَاءِ الْحَمْدِ يَوْمَ الْقِيَامَةِ تَحْتَهُ آدَمُ فَمَنْ دُونَهُ وَلَا فَخْرَ وَأَنَا أَوَّلُ شَافِعٍ وَأَوَّلُ مُشَفَّعٍ يَوْمَ الْقِيَامَةِ وَلَا فَخْرَ وَأَنَا أَوَّلُ مَنْ يُحَرِّكُ حَلَقَ الْجَنَّةِ فَيَفْتَحُ اللَّهُ لِي فَيُدْخِلُنِيهَا وَمَعِي فُقَرَاءُ الْمُؤْمِنِينَ وَلَا فَخْرَ وَأَنَا أَكْرَمُ الْأَوَّلِينَ وَالْآخَرِينَ عَلَى اللَّهِ وَلَا فَخر» . رَوَاهُ التِّرْمِذِيّ والدارمي
Ibn Abbos (roziyallohu anhumo)dan rivoyat qilinadi: Rasululloh ﷺning ashoblaridan baʼzi kishilar u zotni kutib oʻtirdilar. U zot chiqib, ularga yaqinlashganlarida ularning soʻzlashayotganlarini eshitdilar. Ulardan biri: «Qiziq, albatta, Alloh azza va jalla oʻz maxluqotidan bir xalil (doʻst) tutdi — Ibrohimni xalil qilib oldi», dedi. Boshqasi: «Bundan ham qizigʻi Musoning kalomidir, (Alloh) u bilan haqiqiy kalom bilan gaplashdi», dedi. Yana biri: «Iso esa Allohning kalimasi va ruhidir», dedi. Boshqasi: «Odamni Alloh saralab oldi», dedi. Shunda u zot ularning oldiga chiqib salom berdilar va: «Men sizlarning soʻzlaringizni va hayratlaringizni eshitdim. Albatta, Ibrohim Allohning xalilidir va shundaydir, Muso Allohning najiysi (sirdoshi)dir va shundaydir, Iso Allohning ruhi va kalimasidir va shundaydir, Odamni Alloh saralab oldi va shundaydir. Ogoh boʻlinglarki, men Allohning habibiman va faxrlanish yoʻq, men qiyomat kuni hamd bayrogʻini koʻtaruvchiman va faxrlanish yoʻq, men qiyomat kuni birinchi shafoatchi va shafoati birinchi qabul qilinuvchiman va faxrlanish yoʻq, men jannat halqalarini birinchi boʻlib qoqaman, bas Alloh men uchun (eshikni) ochib, meni unga kiritadi, men bilan birga moʻminlarning faqirlari boʻladi va faxrlanish yoʻq, men avvalgilar va keyingilarning eng karamlisiman va faxrlanish yoʻq», dedilar. Abu Iso aytdi: Bu hadis gʻaribdir.Ибн Аббос (розияллоҳу анҳумо)дан ривоят қилинади: Расулуллоҳ ﷺнинг ашобларидан баъзи кишилар у зотни кутиб ўтирдилар. У зот чиқиб, уларга яқинлашганларида уларнинг сўзлашаётганларини эшитдилар. Улардан бири: «Қизиқ, албатта, Аллоҳ азза ва жалла ўз махлуқотидан бир халил (дўст) тутди — Иброҳимни халил қилиб олди», деди. Бошқаси: «Бундан ҳам қизиғи Мусонинг каломидир, (Аллоҳ) у билан ҳақиқий калом билан гаплашди», деди. Яна бири: «Исо эса Аллоҳнинг калимаси ва руҳидир», деди. Бошқаси: «Одамни Аллоҳ саралаб олди», деди. Шунда у зот уларнинг олдига чиқиб салом бердилар ва: «Мен сизларнинг сўзларингизни ва ҳайратларингизни эшитдим. Албатта, Иброҳим Аллоҳнинг халилидир ва шундайдир, Мусо Аллоҳнинг нажийси (сирдоши)дир ва шундайдир, Исо Аллоҳнинг руҳи ва калимасидир ва шундайдир, Одамни Аллоҳ саралаб олди ва шундайдир. Огоҳ бўлингларки, мен Аллоҳнинг ҳабибиман ва фахрланиш йўқ, мен қиёмат куни ҳамд байроғини кўтарувчиман ва фахрланиш йўқ, мен қиёмат куни биринчи шафоатчи ва шафоати биринчи қабул қилинувчиман ва фахрланиш йўқ, мен жаннат ҳалқаларини биринчи бўлиб қоқаман, бас Аллоҳ мен учун (эшикни) очиб, мени унга киритади, мен билан бирга мўминларнинг фақирлари бўлади ва фахрланиш йўқ, мен аввалгилар ва кейингиларнинг энг карамлисиман ва фахрланиш йўқ», дедилар. Абу Исо айтди: Бу ҳадис ғарибдир.