وَعَن جَابر بِأَن يَهُودِيَّةً مِنْ أَهْلِ خَيْبَرَ سَمَّتْ شَاةً مَصْلِيَّةً ثُمَّ أَهْدَتْهَا لِرَسُولِ اللَّهِ صَلَّى اللَّهُ عَلَيْهِ وَسَلَّمَ فَأَخَذَ رَسُولُ اللَّهِ صَلَّى اللَّهُ عَلَيْهِ وَسَلَّمَ الذِّرَاعَ فَأَكَلَ مِنْهَا وَأَكَلَ رَهْطٌ مِنْ أَصْحَابِهِ مَعَهُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ارْفَعُوا أَيْدِيَكُمْ وَأَرْسَلَ إِلَى الْيَهُودِيَّةِ فَدَعَاهَا فَقَالَ سممتِ هَذِهِ الشَّاةَ فَقَالَتْ مَنْ أَخْبَرَكَ قَالَ أَخْبَرَتْنِي هَذِه فِي يَدي للذِّراع قَالَت نعم قَالَت قلت إِن كَانَ نَبيا فَلَنْ يضرّهُ وَإِنْ لَمْ يَكُنْ نَبِيًّا اسْتَرَحْنَا مِنْهُ فَعَفَا عَنْهَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَلَمْ يُعَاقِبهَا وَتُوفِّي بعض أَصْحَابُهُ الَّذِينَ أَكَلُوا مِنَ الشَّاةِ وَاحْتَجَمَ رَسُولِ اللَّهِ صَلَّى اللَّهُ عَلَيْهِ وَسَلَّمَ عَلَى كَاهِلِهِ مِنْ أَجْلِ الَّذِي أَكَلَ مِنَ الشَّاةِ حَجَمَهُ أَبُو هِنْدٍ بِالْقَرْنِ وَالشَّفْرَةِ وَهُوَ مَوْلًى لِبَنِي بَيَاضَةَ مِنَ الْأَنْصَارِ. رَوَاهُ أَبُو دَاوُدَ وَالدَّارِمِيُّ
Ibn Shihob (rahimahulloh)dan rivoyat qilinadiki, Jobir ibn Abdulloh (roziyallohu anhumo) shunday hadis aytar edilar: Xaybar ahlidan boʻlgan bir yahudiy ayol qovurilgan qoʻyni zaharlab, soʻng uni Rasululloh ﷺ ga hadya qildi. Rasululloh ﷺ uning kuragini (old oyogʻini) olib, undan yedilar, saxobalaridan bir guruh ham u zot bilan birga yedilar. Soʻng Rasululloh ﷺ ularga: «Qoʻllaringizni tortinglar», dedilar. Keyin Rasululloh ﷺ ana shu yahudiy ayolga (kishi) yuborib, uni chaqirtirdilar va unga: «Bu qoʻyni zaharladingmi?» dedilar. Yahudiy ayol: «Sizga kim xabar berdi?» dedi. U zot: «Qoʻlimdagi mana shu kurak menga xabar berdi», dedilar. U: «Ha», dedi. U zot: «Buni qilishdan nimani niyat qilding?» dedilar. U: «Oʻzimcha: agar paygʻambar boʻlsa, bu unga zarar qilmaydi; agar paygʻambar boʻlmasa, undan qutulamiz, deb oʻyladim», dedi. Shunda Rasululloh ﷺ uni afv etib, jazolamadilar. Ammo qoʻydan yegan baʼzi saxobalari vafot etdi. Rasululloh ﷺ qoʻydan yeganlari sababli yelkalariga qon oldirdilar. Bani Bayoza qabilasining Ansorlardan boʻlgan ozod qilingan quli Abu Hind u zotga shox va pichoq bilan qon oldi.Ибн Шиҳоб (раҳимаҳуллоҳ)дан ривоят қилинадики, Жобир ибн Абдуллоҳ (розияллоҳу анҳумо) шундай ҳадис айтар эдилар: Хайбар аҳлидан бўлган бир яҳудий аёл қовурилган қўйни заҳарлаб, сўнг уни Расулуллоҳ ﷺ га ҳадя қилди. Расулуллоҳ ﷺ унинг курагини (олд оёғини) олиб, ундан едилар, сахобаларидан бир гуруҳ ҳам у зот билан бирга едилар. Сўнг Расулуллоҳ ﷺ уларга: «Қўлларингизни тортинглар», дедилар. Кейин Расулуллоҳ ﷺ ана шу яҳудий аёлга (киши) юбориб, уни чақиртирдилар ва унга: «Бу қўйни заҳарладингми?» дедилар. Яҳудий аёл: «Сизга ким хабар берди?» деди. У зот: «Қўлимдаги мана шу курак менга хабар берди», дедилар. У: «Ҳа», деди. У зот: «Буни қилишдан нимани ният қилдинг?» дедилар. У: «Ўзимча: агар пайғамбар бўлса, бу унга зарар қилмайди; агар пайғамбар бўлмаса, ундан қутуламиз, деб ўйладим», деди. Шунда Расулуллоҳ ﷺ уни афв этиб, жазоламадилар. Аммо қўйдан еган баъзи сахобалари вафот этди. Расулуллоҳ ﷺ қўйдан еганлари сабабли елкаларига қон олдирдилар. Бани Баёза қабиласининг Ансорлардан бўлган озод қилинган қули Абу Ҳинд у зотга шох ва пичоқ билан қон олди.