Abu Said (roziyallohu anhu)dan rivoyat qilinadi. U aytdi: «Rasululloh ﷺ namoz oʻqib boʻlganlaridan keyin bir kishi keldi. Shunda u zot: ‹Sizlardan qaysi biringiz bunga (savob bilan) savdo qiladi (yaʼni u bilan namoz oʻqib, savob ulashadi)?› dedilar. Shunda bir kishi turib, u bilan birga namoz oʻqidi». Abu Iso aytdi: Bu bobda Abu Umoma, Abu Muso va Hakam ibn Umayrdan ham (rivoyatlar) bor. Abu Iso aytdi: Abu Saidning hadisi hasan hadisdir. Bu Nabiy ﷺning sahobalaridan va ulardan keyingi tobeʼinlardan boʻlgan ilm ahlidan koʻpchilikning soʻzidir. Ular: jamoat oʻqib boʻlingan masjidda boshqa bir qavmning jamoat boʻlib namoz oʻqishida zarar yoʻq, deb aytdilar. Ahmad va Ishoq shuni aytadilar. Ilm ahlidan boshqalari esa: yakka-yakka oʻqiydilar, dedilar. Sufyon, Ibnul-Muborak, Molik va Shofiʼiy shuni aytib, yakka-yakka oʻqishni ixtiyor qiladilar. Sulaymon an-Nojiy basralikdir, unga Sulaymon ibn al-Asvad ham deyiladi. Abul-Mutavakkilning ismi esa Ali ibn Dovuddir.Абу Саид (розияллоҳу анҳу)дан ривоят қилинади. У айтди: «Расулуллоҳ ﷺ намоз ўқиб бўлганларидан кейин бир киши келди. Шунда у зот: ‹Сизлардан қайси бирингиз бунга (савоб билан) савдо қилади (яъни у билан намоз ўқиб, савоб улашади)?› дедилар. Шунда бир киши туриб, у билан бирга намоз ўқиди». Абу Исо айтди: Бу бобда Абу Умома, Абу Мусо ва Ҳакам ибн Умайрдан ҳам (ривоятлар) бор. Абу Исо айтди: Абу Саиднинг ҳадиси ҳасан ҳадисдир. Бу Набий ﷺнинг саҳобаларидан ва улардан кейинги тобеъинлардан бўлган илм аҳлидан кўпчиликнинг сўзидир. Улар: жамоат ўқиб бўлинган масжидда бошқа бир қавмнинг жамоат бўлиб намоз ўқишида зарар йўқ, деб айтдилар. Аҳмад ва Ишоқ шуни айтадилар. Илм аҳлидан бошқалари эса: якка-якка ўқийдилар, дедилар. Суфён, Ибнул-Муборак, Молик ва Шофиъий шуни айтиб, якка-якка ўқишни ихтиёр қиладилар. Сулаймон ан-Ножий басраликдир, унга Сулаймон ибн ал-Асвад ҳам дейилади. Абул-Мутаваккилнинг исми эса Али ибн Довуддир.