Abu Umama (roziyallohu anhu)dan rivoyat qilinadi: Yahudiy olimlaridan biri Nabiy ﷺdan: «Qaysi joylar eng yaxshi?» deb soʻradi. U zot javob bermay jim turdilar va: «Jibril kelguncha jim turaman», dedilar. Bas, jim turdilar. Jibril alayhissalom kelgach, u zot undan soʻradilar. Jibril: «Bu haqda soʻralgan zot soʻrovchidan koʻra bilguvchiroq emas, lekin Robbim tabarak va taolodan soʻrayman», dedi. Soʻng Jibril: «Ey Muhammad, men Allohga shu qadar yaqinlashdimki, hech qachon Unga bunchalik yaqinlashmagan edim», dedi. U zot: «Bu qanday boʻldi, ey Jibril?» dedilar. Jibril: «Men bilan Uning orasida nurdan yetmish ming parda bor edi», dedi. Soʻng: «Joylarning eng yomoni — bozorlari, joylarning eng yaxshisi — masjidlaridir», dedi.Абу Умама (розияллоҳу анҳу)дан ривоят қилинади: Яҳудий олимларидан бири Набий ﷺдан: «Қайси жойлар энг яхши?» деб сўради. У зот жавоб бермай жим турдилар ва: «Жибрил келгунча жим тураман», дедилар. Бас, жим турдилар. Жибрил алайҳиссалом келгач, у зот ундан сўрадилар. Жибрил: «Бу ҳақда сўралган зот сўровчидан кўра билгувчироқ эмас, лекин Роббим табарак ва таолодан сўрайман», деди. Сўнг Жибрил: «Эй Муҳаммад, мен Аллоҳга шу қадар яқинлашдимки, ҳеч қачон Унга бунчалик яқинлашмаган эдим», деди. У зот: «Бу қандай бўлди, эй Жибрил?» дедилар. Жибрил: «Мен билан Унинг орасида нурдан етмиш минг парда бор эди», деди. Сўнг: «Жойларнинг энг ёмони — бозорлари, жойларнинг энг яхшиси — масжидларидир», деди.