وَعَنِ ابْنِ عَبَّاسٍ قَالَ: إِنَّ عَلِيًّا خَرَجَ مِنْ عِنْدِ النَّبِيِّ صَلَّى اللَّهُ عَلَيْهِ وَسَلَّمَ فِي وَجَعِهِ الَّذِي تُوُفِّيَ فِيهِ فَقَالَ النَّاسُ: يَا أَبَا الْحَسَنِ كَيْفَ أَصْبَحَ رَسُولُ اللَّهِ صَلَّى اللَّهُ عَلَيْهِ وَسَلَّمَ؟ قَالَ: أَصْبَحَ بِحَمْدِ الله بارئا. رَوَاهُ البُخَارِيّ
(Abdulloh ibn Abbos (roziyallohu anhumo) xabar berishicha,) Ali ibn Abu Tolib Paygʻambar ﷺning oldilaridan — u zot vafot etgan (oxirgi) kasalliklari (payti)da — chiqdi. Odamlar: «Ey Abu Hasan, Rasululloh ﷺ qanday tongni qarshiladilar (ahvollari qanday)?» dedilar. U: «Allohga hamd boʻlsin, sogʻayib (yengillashib) tongni qarshiladilar» dedi. Shunda Abbos uning qoʻlidan ushlab: «Uni (ahvolini) koʻrmayapsanmi? Vallohi, uch (kun)dan keyin sen ‹asoning quli› (boʻysunuvchi) boʻlasan. Vallohi, men Rasululloh ﷺ shu kasalliklarida vafot etadilar deb oʻylayman; chunki men Bani Abdulmuttalibning yuzlarida oʻlim (alomatini) taniyman. Bas, qani bizni Rasululloh ﷺning oldilariga olib bor, undan: ‹(Bu) ish (xilofat) kimda boʻladi?› deb soʻraylik; agar u bizda boʻlsa, buni bilamiz; agar u bizdan boshqada boʻlsa, undan (biz haqimizda yaxshilik) vasiyat qilishini soʻraymiz» dedi. Ali: «Vallohi, agar biz uni Rasululloh ﷺdan soʻrasagu, u bizga bermasalar, odamlar buni bizga hech qachon bermaydi; va vallohi, men uni Rasululloh ﷺdan hech qachon soʻramayman» dedi.(Абдуллоҳ ибн Аббос (розияллоҳу анҳумо) хабар беришича,) Али ибн Абу Толиб Пайғамбар ﷺнинг олдиларидан — у зот вафот этган (охирги) касалликлари (пайти)да — чиқди. Одамлар: «Эй Абу Ҳасан, Расулуллоҳ ﷺ қандай тонгни қаршиладилар (аҳволлари қандай)?» дедилар. У: «Аллоҳга ҳамд бўлсин, соғайиб (енгиллашиб) тонгни қаршиладилар» деди. Шунда Аббос унинг қўлидан ушлаб: «Уни (аҳволини) кўрмаяпсанми? Валлоҳи, уч (кун)дан кейин сен ‹асонинг қули› (бўйсунувчи) бўласан. Валлоҳи, мен Расулуллоҳ ﷺ шу касалликларида вафот этадилар деб ўйлайман; чунки мен Бани Абдулмутталибнинг юзларида ўлим (аломатини) танийман. Бас, қани бизни Расулуллоҳ ﷺнинг олдиларига олиб бор, ундан: ‹(Бу) иш (хилофат) кимда бўлади?› деб сўрайлик; агар у бизда бўлса, буни биламиз; агар у биздан бошқада бўлса, ундан (биз ҳақимизда яхшилик) васият қилишини сўраймиз» деди. Али: «Валлоҳи, агар биз уни Расулуллоҳ ﷺдан сўрасагу, у бизга бермасалар, одамлар буни бизга ҳеч қачон бермайди; ва валлоҳи, мен уни Расулуллоҳ ﷺдан ҳеч қачон сўрамайман» деди.