Saʼd (roziyallohu anhu)dan rivoyat qilinadi: Rasululloh ﷺ: «Zun-Nun (Yunus alayhissalom) baliq qornida turib duo qilganidagi duosi: ‹La ilaha illa anta subhanaka inniy kuntu minaz-zoolimiyn (Sendan boshqa iloh yoʻq, Sen poksan, albatta men zolimlardan boʻldim)› (edi). Hech bir musulmon kishi biror narsa (soʻrab) u bilan duo qilmaydiki, magar Alloh unga ijobat qiladi», dedilar. Muhammad ibn Yahyo aytdi: Muhammad ibn Yusuf bir marta uni Ibrohim ibn Muhammad ibn Saʼddan, u Saʼddan (deb) aytdi. Abu Iso aytdi: Bu hadisni bir necha kishi Yunus ibn Abu Ishoqdan, u Ibrohim ibn Muhammad ibn Saʼddan, u Saʼddan (deb) rivoyat qilgan va unda «otasidan» (degan) qismni zikr qilmaganlar. Baʼzilar esa Yunus ibn Abu Ishoqdan: «Ibrohim ibn Muhammad ibn Saʼddan, u otasidan, u Saʼddan» deb rivoyat qilganlar. Yunus ibn Abu Ishoq bu hadisda baʼzan «otasidan» (deb) zikr qilar, baʼzan zikr qilmas edi.Саъд (розияллоҳу анҳу)дан ривоят қилинади: Расулуллоҳ ﷺ: «Зун-Нун (Юнус алайҳиссалом) балиқ қорнида туриб дуо қилганидаги дуоси: ‹Ла илаҳа илла анта субҳанака инний кунту миназ-зоолимийн (Сендан бошқа илоҳ йўқ, Сен поксан, албатта мен золимлардан бўлдим)› (эди). Ҳеч бир мусулмон киши бирор нарса (сўраб) у билан дуо қилмайдики, магар Аллоҳ унга ижобат қилади», дедилар. Муҳаммад ибн Яҳё айтди: Муҳаммад ибн Юсуф бир марта уни Иброҳим ибн Муҳаммад ибн Саъддан, у Саъддан (деб) айтди. Абу Исо айтди: Бу ҳадисни бир неча киши Юнус ибн Абу Ишоқдан, у Иброҳим ибн Муҳаммад ибн Саъддан, у Саъддан (деб) ривоят қилган ва унда «отасидан» (деган) қисмни зикр қилмаганлар. Баъзилар эса Юнус ибн Абу Ишоқдан: «Иброҳим ибн Муҳаммад ибн Саъддан, у отасидан, у Саъддан» деб ривоят қилганлар. Юнус ибн Абу Ишоқ бу ҳадисда баъзан «отасидан» (деб) зикр қилар, баъзан зикр қилмас эди.