وَعَنِ عَبْدِ الرَّحْمَنِ بْنِ أَبِي بَكْرَةَ قَالَ: قُلْتُ لِأَبِي: يَا أَبَتِ أَسْمَعُكَ تَقُولُ كُلَّ غَدَاةٍ: «اللَّهُمَّ عَافِنِي فِي بَدَنِي اللَّهُمَّ عَافِنِي فِي سَمْعِي اللَّهُمَّ عَافِنِي فِي بَصَرِي لَا إِلَهَ إِلَّا أَنْتَ» تُكَرِّرُهَا ثَلَاثًا حِينَ تُصْبِحُ وَثَلَاثًا حِين تمسي فَقَالَ: يَا بُنَيَّ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَدْعُو بِهِنَّ فَأَنَا أُحِبُّ أَنْ أستن بسننه. رَوَاهُ أَبُو دَاوُد
Al-Abbos ibn Abdulaziym va Muhammad ibn al-Musanno bizga aytib berib, dedilar: Bizga Abdulmalik ibn Amr aytib berib, u Abduljaliyl ibn Atiyyadan, u Jaʼfar ibn Maymundan rivoyat qildi. U dedi: Menga Abdurahmon ibn Abu Bakra aytib berdiki, u otasiga: «Ey otajon, men sizning har tonggi paytda: ‹Allohumma ofini fi badani. Allohumma ofini fi samʼi. Allohumma ofini fi basari. Lo iloha illo anta (Ey Alloh! Badanimni sogʻ-salomat qil. Ey Alloh! Qulogʻimni sogʻ-salomat qil. Ey Alloh! Koʻzimni sogʻ-salomat qil. Sendan oʻzga iloh yoʻq)›, deb duo qilayotganingizni eshitaman. Buni tongda uch marta va kechqurun uch marta takrorlaysiz», dedi. Shunda u (otasi): «Men Rasululloh ﷺ shu (kalimalar) bilan duo qilganlarini eshitganman. Shuning uchun men u zotning sunnatlariga ergashishni yaxshi koʻraman», dedi. Abbos oʻz rivoyatida aytdi: «Yana sen: ‹Allohumma inni aʼuzu bika minal-kufri val-faqri. Allohumma inni aʼuzu bika min azabil-qabri. Lo iloha illo anta (Ey Alloh! Men Sendan kufr va faqirlikdan panoh tilayman. Ey Alloh! Men Sendan qabr azobidan panoh tilayman. Sendan oʻzga iloh yoʻq)›, deysan. Buni tongda uch marta va kechqurun uch marta takrorlaysan, ular bilan duo qilasan». (Otasi:) «Shuning uchun men u zotning sunnatlariga ergashishni yaxshi koʻraman», dedi. (Ravoiy) dedi: Rasululloh ﷺ: «Gʻam-anduhga botgan kishining duolari: ‹Allohumma rohmataka arju, fa-lo takilni ilo nafsi torfata aynin, va aslih li shaʼni kullahu, lo iloha illo anta (Ey Alloh! Men Sening rahmatingdan umidvorman, meni bir koʻz yumib ochguncha ham oʻzimga tashlab qoʻyma, mening barcha ishlarimni oʻnglab qoʻy, Sendan oʻzga iloh yoʻq)› dir», dedilar. Ulardan baʼzilari sherigidan ortiq (qoʻshib) rivoyat qiladi.Ал-Аббос ибн Абдулазийм ва Муҳаммад ибн ал-Мусанно бизга айтиб бериб, дедилар: Бизга Абдулмалик ибн Амр айтиб бериб, у Абдулжалийл ибн Атийядан, у Жаъфар ибн Маймундан ривоят қилди. У деди: Менга Абдураҳмон ибн Абу Бакра айтиб бердики, у отасига: «Эй отажон, мен сизнинг ҳар тонгги пайтда: ‹Аллоҳумма офини фи бадани. Аллоҳумма офини фи самъи. Аллоҳумма офини фи басари. Ло илоҳа илло анта (Эй Аллоҳ! Баданимни соғ-саломат қил. Эй Аллоҳ! Қулоғимни соғ-саломат қил. Эй Аллоҳ! Кўзимни соғ-саломат қил. Сендан ўзга илоҳ йўқ)›, деб дуо қилаётганингизни эшитаман. Буни тонгда уч марта ва кечқурун уч марта такрорлайсиз», деди. Шунда у (отаси): «Мен Расулуллоҳ ﷺ шу (калималар) билан дуо қилганларини эшитганман. Шунинг учун мен у зотнинг суннатларига эргашишни яхши кўраман», деди. Аббос ўз ривоятида айтди: «Яна сен: ‹Аллоҳумма инни аъузу бика минал-куфри вал-фақри. Аллоҳумма инни аъузу бика мин азабил-қабри. Ло илоҳа илло анта (Эй Аллоҳ! Мен Сендан куфр ва фақирликдан паноҳ тилайман. Эй Аллоҳ! Мен Сендан қабр азобидан паноҳ тилайман. Сендан ўзга илоҳ йўқ)›, дейсан. Буни тонгда уч марта ва кечқурун уч марта такрорлайсан, улар билан дуо қиласан». (Отаси:) «Шунинг учун мен у зотнинг суннатларига эргашишни яхши кўраман», деди. (Равоий) деди: Расулуллоҳ ﷺ: «Ғам-андуҳга ботган кишининг дуолари: ‹Аллоҳумма роҳматака аржу, фа-ло такилни ило нафси торфата айнин, ва аслиҳ ли шаъни куллаҳу, ло илоҳа илло анта (Эй Аллоҳ! Мен Сенинг раҳматингдан умидворман, мени бир кўз юмиб очгунча ҳам ўзимга ташлаб қўйма, менинг барча ишларимни ўнглаб қўй, Сендан ўзга илоҳ йўқ)› дир», дедилар. Улардан баъзилари шеригидан ортиқ (қўшиб) ривоят қилади.