Ibn Masʼud (roziyallohu anhu)dan rivoyat qilinadi: Rasululloh ﷺ: «Kimning gʻam-tashvishi koʻpaysa, u shunday desin: ‹Allohim, men Sening bandangman, bandang va choʻringning oʻgʻliman, qabzangdaman, peshonam qoʻlingdadir, hukming menda joriy, qazoying menga adolatlidir. Oʻzingniki boʻlgan — Oʻzingni u bilan atagan yoki Kitobingda nozil qilgan yoki maxluqotingdan biriga oʻrgatgan yoki bandalaringga ilhom qilgan yoxud Oʻzingdagi yashirin gʻayb xazinasida saqlab qoʻygan — har bir isming bilan Sendan soʻraymanki, Qurʼonni qalbimning bahori, gʻam-alamimni ketkazadigan jilo qilgin›», dedilar. Soʻng: «Buni aytgan har qanday banda boʻlmasin, albatta Alloh uning gʻamini ketkazib, oʻrniga faraj (kengchilik) beradi», dedilar. Razin rivoyat qilgan.Ибн Масъуд (розияллоҳу анҳу)дан ривоят қилинади: Расулуллоҳ ﷺ: «Кимнинг ғам-ташвиши кўпайса, у шундай десин: ‹Аллоҳим, мен Сенинг бандангман, банданг ва чўрингнинг ўғлиман, қабзангдаман, пешонам қўлингдадир, ҳукминг менда жорий, қазойинг менга адолатлидир. Ўзингники бўлган — Ўзингни у билан атаган ёки Китобингда нозил қилган ёки махлуқотингдан бирига ўргатган ёки бандаларингга илҳом қилган ёхуд Ўзингдаги яширин ғайб хазинасида сақлаб қўйган — ҳар бир исминг билан Сендан сўрайманки, Қуръонни қалбимнинг баҳори, ғам-аламимни кетказадиган жило қилгин›», дедилар. Сўнг: «Буни айтган ҳар қандай банда бўлмасин, албатта Аллоҳ унинг ғамини кетказиб, ўрнига фараж (кенгчилик) беради», дедилар. Разин ривоят қилган.