وَحَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا وَكِيعٌ، ح وَحَدَّثَنَا ابْنُ نُمَيْرٍ، حَدَّثَنَا أَبُو مُعَاوِيَةَ، وَوَكِيعٌ، ح وَحَدَّثَنَا إِسْحَاقُ بْنُ إِبْرَاهِيمَ الْحَنْظَلِيُّ، - وَاللَّفْظُ لَهُ - أَخْبَرَنَا وَكِيعٌ، حَدَّثَنَا الأَعْمَشُ، عَنْ أَبِي وَائِلٍ، عَنْ عَبْدِ اللَّهِ، عَنْ رَسُولِ اللَّهِ صلى الله عليه وسلم قَالَ " مَنْ حَلَفَ عَلَى يَمِينِ صَبْرٍ يَقْتَطِعُ بِهَا مَالَ امْرِئٍ مُسْلِمٍ هُوَ فِيهَا فَاجِرٌ لَقِيَ اللَّهَ وَهُوَ عَلَيْهِ غَضْبَانُ " . قَالَ فَدَخَلَ الأَشْعَثُ بْنُ قَيْسٍ فَقَالَ مَا يُحَدِّثُكُمْ أَبُو عَبْدِ الرَّحْمَنِ قَالُوا كَذَا وَكَذَا . قَالَ صَدَقَ أَبُو عَبْدِ الرَّحْمَنِ فِيَّ نَزَلَتْ كَانَ بَيْنِي وَبَيْنَ رَجُلٍ أَرْضٌ بِالْيَمَنِ فَخَاصَمْتُهُ إِلَى النَّبِيِّ صلى الله عليه وسلم فَقَالَ " هَلْ لَكَ بَيِّنَةٌ " . فَقُلْتُ لاَ . قَالَ " فَيَمِينُهُ " . قُلْتُ إِذًا يَحْلِفُ . فَقَالَ رَسُولُ اللَّهِ صلى الله عليه وسلم عِنْدَ ذَلِكَ " مَنْ حَلَفَ عَلَى يَمِينِ صَبْرٍ يَقْتَطِعُ بِهَا مَالَ امْرِئٍ مُسْلِمٍ هُوَ فِيهَا فَاجِرٌ لَقِيَ اللَّهَ وَهُوَ عَلَيْهِ غَضْبَانُ " . فَنَزَلَتْ { إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلاً} إِلَى آخِرِ الآيَةِ .
Abdulloh ibn Masʼud (roziyallohu anhu)dan rivoyat qilinadi: Rasululloh ﷺ: «Kim — yolgʻon ekanini bila turib — bir musulmon kishining molini (nohaq) oʻzlashtirib olish uchun (qasddan) qasam ichsa, Allohga, U Zot oʻziga gʻazabnok holda yoʻliqadi», dedilar. (Roviy) dedi: Shunda al-Ashʼas ibn Qays kirib: «Abu Abdurahmon (Abdulloh) sizlarga nima hadis aytyapti?» dedi. Ular: «Shunday-shunday», dedilar. U: «Abu Abdurahmon rost (aytdi); (bu) mening haqimda nozil boʻlgan. Men bilan bir kishi orasida Yamanda (bir parcha) yer (nizosi) bor edi. Men u bilan Paygʻambar ﷺ ga (daʼvolashib) shikoyat qildim. (Paygʻambar): ‹Senda bayyina (dalil-guvoh) bormi?› dedilar. Men: ‹Yoʻq›, dedim. (Paygʻambar): ‹Unday boʻlsa, uning qasami (hal qiladi)›, dedilar. Men: ‹Unday boʻlsa, u (yolgʻon) qasam ichadi-ku›, dedim. Shunda Rasululloh ﷺ shu (payt)da: ‹Kim — yolgʻon ekanini bila turib — bir musulmon kishining molini (nohaq) oʻzlashtirib olish uchun qasam ichsa, Allohga, U Zot oʻziga gʻazabnok holda yoʻliqadi›, dedilar», dedi. Shunda {Albatta Allohning ahdini va (oʻz) qasamlarini arzon bahoga sotadiganlar...} — oyatning oxirigacha — (oyati) nozil boʻldi.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ: «Ким — ёлғон эканини била туриб — бир мусулмон кишининг молини (ноҳақ) ўзлаштириб олиш учун (қасддан) қасам ичса, Аллоҳга, У Зот ўзига ғазабнок ҳолда йўлиқади», дедилар. (Ровий) деди: Шунда ал-Ашъас ибн Қайс кириб: «Абу Абдураҳмон (Абдуллоҳ) сизларга нима ҳадис айтяпти?» деди. Улар: «Шундай-шундай», дедилар. У: «Абу Абдураҳмон рост (айтди); (бу) менинг ҳақимда нозил бўлган. Мен билан бир киши орасида Яманда (бир парча) ер (низоси) бор эди. Мен у билан Пайғамбар ﷺ га (даъволашиб) шикоят қилдим. (Пайғамбар): ‹Сенда баййина (далил-гувоҳ) борми?› дедилар. Мен: ‹Йўқ›, дедим. (Пайғамбар): ‹Ундай бўлса, унинг қасами (ҳал қилади)›, дедилар. Мен: ‹Ундай бўлса, у (ёлғон) қасам ичади-ку›, дедим. Шунда Расулуллоҳ ﷺ шу (пайт)да: ‹Ким — ёлғон эканини била туриб — бир мусулмон кишининг молини (ноҳақ) ўзлаштириб олиш учун қасам ичса, Аллоҳга, У Зот ўзига ғазабнок ҳолда йўлиқади›, дедилар», деди. Шунда {Албатта Аллоҳнинг аҳдини ва (ўз) қасамларини арзон баҳога сотадиганлар...} — оятнинг охиригача — (ояти) нозил бўлди.