Muoz ibn Jabal (roziyallohu anhu)dan rivoyat qilinadi: Rasululloh ﷺ meni (Yamanga) yubordilar va: «Albatta sen Ahli kitobdan boʻlgan bir qavmga borasan. Bas, ularni Allohdan boshqa iloh yoʻq va men Allohning Rasuli ekanimga guvohlik berishga daʼvat qil. Agar ular bunga itoat qilsalar, ularga xabar berki, Alloh ularga har kunu tunda besh (vaqt) namozni farz qildi. Agar ular bunga itoat qilsalar, ularga xabar berki, Alloh ularga boylaridan olinib, kambagʻallariga qaytariladigan sadaqani (zakotni) farz qildi. Agar ular bunga itoat qilsalar, sen ularning mollarining sarasini (eng yaxshisini olishdan) ehtiyot boʻl; va mazlumning duosidan saqlan, chunki u bilan Alloh orasida (toʻsiq) parda yoʻq», dedilar.Муоз ибн Жабал (розияллоҳу анҳу)дан ривоят қилинади: Расулуллоҳ ﷺ мени (Яманга) юбордилар ва: «Албатта сен Аҳли китобдан бўлган бир қавмга борасан. Бас, уларни Аллоҳдан бошқа илоҳ йўқ ва мен Аллоҳнинг Расули эканимга гувоҳлик беришга даъват қил. Агар улар бунга итоат қилсалар, уларга хабар берки, Аллоҳ уларга ҳар куну тунда беш (вақт) намозни фарз қилди. Агар улар бунга итоат қилсалар, уларга хабар берки, Аллоҳ уларга бойларидан олиниб, камбағалларига қайтариладиган садақани (закотни) фарз қилди. Агар улар бунга итоат қилсалар, сен уларнинг молларининг сарасини (энг яхшисини олишдан) эҳтиёт бўл; ва мазлумнинг дуосидан сақлан, чунки у билан Аллоҳ орасида (тўсиқ) парда йўқ», дедилар.