Anas ibn Molik (roziyallohu anhu)dan rivoyat qilinadi: bir janoza olib oʻtildi va u yaxshilik bilan eslandi (maqtaldi). Shunda Allohning nabiysi ﷺ: «Vojib boʻldi, vojib boʻldi, vojib boʻldi», dedilar. Yana bir janoza olib oʻtildi va u yomonlik bilan eslandi. Shunda Allohning nabiysi ﷺ: «Vojib boʻldi, vojib boʻldi, vojib boʻldi», dedilar. Umar: «Otam-onam Sizga fido boʻlsin! Bir janoza olib oʻtildi va u yaxshilik bilan maqtaldi, Siz: ‹Vojib boʻldi, vojib boʻldi, vojib boʻldi›, dedingiz. Yana bir janoza olib oʻtildi va u yomonlik bilan eslandi, Siz: ‹Vojib boʻldi, vojib boʻldi, vojib boʻldi›, dedingiz», dedi. Shunda Rasululloh ﷺ: «Kimni siz yaxshilik bilan maqtasangiz, unga jannat vojib boʻldi. Kimni siz yomonlik bilan eslasangiz, unga doʻzax vojib boʻldi. Sizlar yer yuzida Allohning guvohlarisiz, sizlar yer yuzida Allohning guvohlarisiz, sizlar yer yuzida Allohning guvohlarisiz», dedilar.Анас ибн Молик (розияллоҳу анҳу)дан ривоят қилинади: бир жаноза олиб ўтилди ва у яхшилик билан эсланди (мақталди). Шунда Аллоҳнинг набийси ﷺ: «Вожиб бўлди, вожиб бўлди, вожиб бўлди», дедилар. Яна бир жаноза олиб ўтилди ва у ёмонлик билан эсланди. Шунда Аллоҳнинг набийси ﷺ: «Вожиб бўлди, вожиб бўлди, вожиб бўлди», дедилар. Умар: «Отам-онам Сизга фидо бўлсин! Бир жаноза олиб ўтилди ва у яхшилик билан мақталди, Сиз: ‹Вожиб бўлди, вожиб бўлди, вожиб бўлди›, дедингиз. Яна бир жаноза олиб ўтилди ва у ёмонлик билан эсланди, Сиз: ‹Вожиб бўлди, вожиб бўлди, вожиб бўлди›, дедингиз», деди. Шунда Расулуллоҳ ﷺ: «Кимни сиз яхшилик билан мақтасангиз, унга жаннат вожиб бўлди. Кимни сиз ёмонлик билан эсласангиз, унга дўзах вожиб бўлди. Сизлар ер юзида Аллоҳнинг гувоҳларисиз, сизлар ер юзида Аллоҳнинг гувоҳларисиз, сизлар ер юзида Аллоҳнинг гувоҳларисиз», дедилар.