وَحَدَّثَنِي مُحَمَّدُ بْنُ رَافِعٍ، حَدَّثَنَا عَبْدُ الرَّزَّاقِ، أَخْبَرَنَا ابْنُ جُرَيْجٍ، قَالَ سَمِعْتُ عَطَاءً، يَزْعُمُ أَنَّ أَبَا الْعَبَّاسِ، أَخْبَرَهُ أَنَّهُ، سَمِعَ عَبْدَ اللَّهِ بْنَ عَمْرِو بْنِ الْعَاصِ، - رضى الله عنهما - يَقُولُ بَلَغَ النَّبِيَّ صلى الله عليه وسلم أَنِّي أَصُومُ أَسْرُدُ وَأُصَلِّي اللَّيْلَ فَإِمَّا أَرْسَلَ إِلَىَّ وَإِمَّا لَقِيتُهُ فَقَالَ " أَلَمْ أُخْبَرْ أَنَّكَ تَصُومُ وَلاَ تُفْطِرُ وَتُصَلِّي اللَّيْلَ فَلاَ تَفْعَلْ فَإِنَّ لِعَيْنِكَ حَظًّا وَلِنَفْسِكَ حَظًّا وَلأَهْلِكَ حَظًّا . فَصُمْ وَأَفْطِرْ وَصَلِّ وَنَمْ وَصُمْ مِنْ كُلِّ عَشْرَةِ أَيَّامٍ يَوْمًا وَلَكَ أَجْرُ تِسْعَةٍ " . قَالَ إِنِّي أَجِدُنِي أَقْوَى مِنْ ذَلِكَ يَا نَبِيَّ اللَّهِ . قَالَ " فَصُمْ صِيَامَ دَاوُدَ عَلَيْهِ السَّلاَمُ " . قَالَ وَكَيْفَ كَانَ دَاوُدُ يَصُومُ يَا نَبِيَّ اللَّهِ قَالَ " كَانَ يَصُومُ يَوْمًا وَيُفْطِرُ يَوْمًا وَلاَ يَفِرُّ إِذَا لاَقَى " . قَالَ مَنْ لِي بِهَذِهِ يَا نَبِيَّ اللَّهِ قَالَ عَطَاءٌ فَلاَ أَدْرِي كَيْفَ ذَكَرَ صِيَامَ الأَبَدِ . فَقَالَ النَّبِيُّ صلى الله عليه وسلم " لاَ صَامَ مَنْ صَامَ الأَبَدَ لاَ صَامَ مَنْ صَامَ الأَبَدَ لاَ صَامَ مَنْ صَامَ الأَبَدَ " .
Abdulloh ibn Amr ibn al-Os (roziyallohu anhumo)dan rivoyat qilinadi: Nabiy ﷺ ga mening uzluksiz roʻza tutishim va tun boʻyi namoz oʻqishim haqida xabar yetdi. Shunda u zot ﷺ yo menga (odam) yuborib, yo men u zotni uchratganimda: «Sen roʻzani uzluksiz tutib, ochmas emishsan va tun boʻyi namoz oʻqir emishsan, deb menga xabar berilmadimi? Bunday qilma! Chunki koʻzingning ham haqqi bor, oʻzingning ham haqqing bor, ahlingning ham haqqi bor. Bas, roʻza ham tut, ochiq ham yur, namoz ham oʻqi, uxla ham. Va har oʻn kunda bir kun roʻza tut, shunda senga toʻqqiz (kunning) ajri (yoziladi)», — dedilar. (U) dedi: «Yo Nabiyalloh! Men oʻzimni bundan-da kuchliroq sezaman», dedi. (U zot ﷺ): «Unda Dovud — alayhissalomning roʻzasini tut», — dedilar. (U) dedi: «Yo Nabiyalloh! Dovud qanday roʻza tutardi?» (U zot ﷺ): «U bir kun roʻza tutib, bir kun ochar edi va (dushmanni) uchratganda (jangdan) qochmas edi», — dedilar. (U) dedi: «Yo Nabiyalloh! Buni mening uchun kim (kafolatlay oladi)?» Ato dedi: Endi bilmadim, abadiy roʻza haqida qanday zikr qilindi. Shunda Nabiy ﷺ: «Abadiy roʻza tutgan kishi roʻza tutmadi, abadiy roʻza tutgan kishi roʻza tutmadi, abadiy roʻza tutgan kishi roʻza tutmadi», — dedilar.Абдуллоҳ ибн Амр ибн ал-Ос (розияллоҳу анҳумо)дан ривоят қилинади: Набий ﷺ га менинг узлуксиз рўза тутишим ва тун бўйи намоз ўқишим ҳақида хабар етди. Шунда у зот ﷺ ё менга (одам) юбориб, ё мен у зотни учратганимда: «Сен рўзани узлуксиз тутиб, очмас эмишсан ва тун бўйи намоз ўқир эмишсан, деб менга хабар берилмадими? Бундай қилма! Чунки кўзингнинг ҳам ҳаққи бор, ўзингнинг ҳам ҳаққинг бор, аҳлингнинг ҳам ҳаққи бор. Бас, рўза ҳам тут, очиқ ҳам юр, намоз ҳам ўқи, ухла ҳам. Ва ҳар ўн кунда бир кун рўза тут, шунда сенга тўққиз (куннинг) ажри (ёзилади)», — дедилар. (У) деди: «Ё Набияллоҳ! Мен ўзимни бундан-да кучлироқ сезаман», деди. (У зот ﷺ): «Унда Довуд — алайҳиссаломнинг рўзасини тут», — дедилар. (У) деди: «Ё Набияллоҳ! Довуд қандай рўза тутарди?» (У зот ﷺ): «У бир кун рўза тутиб, бир кун очар эди ва (душманни) учратганда (жангдан) қочмас эди», — дедилар. (У) деди: «Ё Набияллоҳ! Буни менинг учун ким (кафолатлай олади)?» Ато деди: Энди билмадим, абадий рўза ҳақида қандай зикр қилинди. Шунда Набий ﷺ: «Абадий рўза тутган киши рўза тутмади, абадий рўза тутган киши рўза тутмади, абадий рўза тутган киши рўза тутмади», — дедилар.