وَحَدَّثَنَا يَحْيَى بْنُ يَحْيَى التَّمِيمِيُّ، وَقُتَيْبَةُ بْنُ سَعِيدٍ، جَمِيعًا عَنْ حَمَّادٍ، - قَالَ يَحْيَى أَخْبَرَنَا حَمَّادُ بْنُ زَيْدٍ، - عَنْ غَيْلاَنَ، عَنْ عَبْدِ اللَّهِ بْنِ مَعْبَدٍ الزِّمَّانِيِّ، عَنْ أَبِي قَتَادَةَ، رَجُلٌ أَتَى النَّبِيَّ صلى الله عليه وسلم فَقَالَ كَيْفَ تَصُومُ فَغَضِبَ رَسُولُ اللَّهِ صلى الله عليه وسلم فَلَمَّا رَأَى عُمَرُ - رضى الله عنه - غَضَبَهُ قَالَ رَضِينَا بِاللَّهِ رَبًّا وَبِالإِسْلاَمِ دِينًا وَبِمُحَمَّدٍ نَبِيًّا نَعُوذُ بِاللَّهِ مِنْ غَضَبِ اللَّهِ وَغَضَبِ رَسُولِهِ . فَجَعَلَ عُمَرُ - رضى الله عنه - يُرَدِّدُ هَذَا الْكَلاَمَ حَتَّى سَكَنَ غَضَبُهُ فَقَالَ عُمَرُ يَا رَسُولَ اللَّهِ كَيْفَ بِمَنْ يَصُومُ الدَّهْرَ كُلَّهُ قَالَ " لاَ صَامَ وَلاَ أَفْطَرَ - أَوْ قَالَ - لَمْ يَصُمْ وَلَمْ يُفْطِرْ " . قَالَ كَيْفَ مَنْ يَصُومُ يَوْمَيْنِ وَيُفْطِرُ يَوْمًا قَالَ " وَيُطِيقُ ذَلِكَ أَحَدٌ " . قَالَ كَيْفَ مَنْ يَصُومُ يَوْمًا وَيُفْطِرُ يَوْمًا قَالَ " ذَاكَ صَوْمُ دَاوُدَ عَلَيْهِ السَّلاَمُ " . قَالَ كَيْفَ مَنْ يَصُومُ يَوْمًا وَيُفْطِرُ يَوْمَيْنِ قَالَ " وَدِدْتُ أَنِّي طُوِّقْتُ ذَلِكَ " . ثُمَّ قَالَ رَسُولُ اللَّهِ صلى الله عليه وسلم " ثَلاَثٌ مِنْ كُلِّ شَهْرٍ وَرَمَضَانُ إِلَى رَمَضَانَ فَهَذَا صِيَامُ الدَّهْرِ كُلِّهِ صِيَامُ يَوْمِ عَرَفَةَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ الَّتِي بَعْدَهُ وَصِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ " .
Abu Qatoda (roziyallohu anhu)dan rivoyat qilinadi: Bir kishi Nabiy ﷺ ning oldiga kelib: «Siz qanday roʻza tutasiz?» dedi. Shunda Rasululloh ﷺ gʻazablandilar. Umar u zotning gʻazabini koʻrgach: «Biz Allohni Rabb, Islomni din, Muhammadni nabiy deb rozi boʻldik. Allohning gʻazabidan va Rasulining gʻazabidan Allohdan panoh tilaymiz», dedi. Umar bu soʻzni u zotning gʻazabi bosilguncha takror-takror ayta boshladi. Soʻng Umar: «Yo Rasululloh! Butun umr roʻza tutadigan kishi haqida nima deysiz?» dedi. (U zot ﷺ): «U na roʻza tutdi, na ochdi», — yo: «U roʻza ham tutmadi, ochmadi ham», — dedilar. (Umar): «Ikki kun roʻza tutib, bir kun ochadigan kishi-chi?» dedi. (U zot ﷺ): «Buni biror kishi qila oladimi?» — dedilar. (Umar): «Bir kun roʻza tutib, bir kun ochadigan kishi-chi?» dedi. (U zot ﷺ): «Bu Dovud — alayhissalomning roʻzasidir», — dedilar. (Umar): «Bir kun roʻza tutib, ikki kun ochadigan kishi-chi?» dedi. (U zot ﷺ): «Qaniydi, menga shuni qila olishga (kuch) berilsa edi», — dedilar. Soʻng Rasululloh ﷺ: «Har oyda uch kun, hamda Ramazondan Ramazongacha (roʻza tutish) — bu butun umrning roʻzasidir. Arafa kuni roʻzasi — men Allohdan undan oldingi yil va undan keyingi yil (gunohlarini) kechirishini umid qilaman; Ashuro kuni roʻzasi — men Allohdan undan oldingi yil (gunohlarini) kechirishini umid qilaman», — dedilar.Абу Қатода (розияллоҳу анҳу)дан ривоят қилинади: Бир киши Набий ﷺ нинг олдига келиб: «Сиз қандай рўза тутасиз?» деди. Шунда Расулуллоҳ ﷺ ғазабландилар. Умар у зотнинг ғазабини кўргач: «Биз Аллоҳни Рабб, Исломни дин, Муҳаммадни набий деб рози бўлдик. Аллоҳнинг ғазабидан ва Расулининг ғазабидан Аллоҳдан паноҳ тилаймиз», деди. Умар бу сўзни у зотнинг ғазаби босилгунча такрор-такрор айта бошлади. Сўнг Умар: «Ё Расулуллоҳ! Бутун умр рўза тутадиган киши ҳақида нима дейсиз?» деди. (У зот ﷺ): «У на рўза тутди, на очди», — ё: «У рўза ҳам тутмади, очмади ҳам», — дедилар. (Умар): «Икки кун рўза тутиб, бир кун очадиган киши-чи?» деди. (У зот ﷺ): «Буни бирор киши қила оладими?» — дедилар. (Умар): «Бир кун рўза тутиб, бир кун очадиган киши-чи?» деди. (У зот ﷺ): «Бу Довуд — алайҳиссаломнинг рўзасидир», — дедилар. (Умар): «Бир кун рўза тутиб, икки кун очадиган киши-чи?» деди. (У зот ﷺ): «Қанийди, менга шуни қила олишга (куч) берилса эди», — дедилар. Сўнг Расулуллоҳ ﷺ: «Ҳар ойда уч кун, ҳамда Рамазондан Рамазонгача (рўза тутиш) — бу бутун умрнинг рўзасидир. Арафа куни рўзаси — мен Аллоҳдан ундан олдинги йил ва ундан кейинги йил (гуноҳларини) кечиришини умид қиламан; Ашуро куни рўзаси — мен Аллоҳдан ундан олдинги йил (гуноҳларини) кечиришини умид қиламан», — дедилар.