Yaʼlo ibn Umayya (roziyallohu anhu)dan rivoyat qilinadi: biz Rasululloh ﷺ bilan birga edik. Shu payt u zotning oldilariga ustida xaluq (xushboʻylik) izi boʻlgan jubba kiygan bir kishi keldi va: «Yo Rasululloh! Men umraga ehrom bogʻladim, qanday qilayin?» — dedi. U zot unga javob qaytarmay, jim qoldilar. Umar u zotga vahiy nozil qilinganda, soya berib, u zotni toʻsardi. Men Umarga: «U zotga vahiy nozil qilinganda boshimni u zot bilan birga kiyim ichiga kiritishni istayman», — dedim. Shunda u zotga (vahiy) nozil qilingach, Umar u zotni kiyim bilan oʻradi. Men keldim va boshimni u zot bilan birga kiyim ichiga kiritib, u zotga qaradim. U zotdan (vahiy holati) koʻtarilgach, u zot: «Hozirgina umra haqida soʻragan kishi qani?» — dedilar. Shunda u kishi u zotga qarab turdi. U zot: «Jubbangni oʻzingdan yech, sendagi xaluq (xushboʻylik) izini yuvib tashla va hajjingda nima qiladigan boʻlsang, umrangda ham shuni qil», — dedilar.Яъло ибн Умайя (розияллоҳу анҳу)дан ривоят қилинади: биз Расулуллоҳ ﷺ билан бирга эдик. Шу пайт у зотнинг олдиларига устида халуқ (хушбўйлик) изи бўлган жубба кийган бир киши келди ва: «Ё Расулуллоҳ! Мен умрага эҳром боғладим, қандай қилайин?» — деди. У зот унга жавоб қайтармай, жим қолдилар. Умар у зотга ваҳий нозил қилинганда, соя бериб, у зотни тўсарди. Мен Умарга: «У зотга ваҳий нозил қилинганда бошимни у зот билан бирга кийим ичига киритишни истайман», — дедим. Шунда у зотга (ваҳий) нозил қилингач, Умар у зотни кийим билан ўради. Мен келдим ва бошимни у зот билан бирга кийим ичига киритиб, у зотга қарадим. У зотдан (ваҳий ҳолати) кўтарилгач, у зот: «Ҳозиргина умра ҳақида сўраган киши қани?» — дедилар. Шунда у киши у зотга қараб турди. У зот: «Жуббангни ўзингдан еч, сендаги халуқ (хушбўйлик) изини ювиб ташла ва ҳажжингда нима қиладиган бўлсанг, умрангда ҳам шуни қил», — дедилар.