Jobir ibn Abdulloh (roziyallohu anhumo)dan rivoyat qilinadi: u Rasululloh ﷺ bilan birga, u zot qurbonlik (hadyi) olib kelgan yili haj qilgan va ular ifrod haji uchun ehrom bogʻlagan edilar. Shunda Rasululloh ﷺ: «Ehromingizdan chiqing, Baytni hamda Safo bilan Marva orasini tavof qiling, sochlaringizni kaltalang va ehromdan chiqqan holda turing. Tarviya kuni boʻlganida esa hajga ehrom bogʻlang va keltirgan (ehrom)ingizni tamattuʼ qiling», dedilar. Ular: «Biz uni qanday tamattuʼ qilamiz, axir biz hajni (niyat qilib) aytgan edik?» dedilar. (Rasululloh ﷺ): «Men sizlarga buyurayotgan narsani qiling. Chunki, agar men qurbonlik (hadyi) olib kelmaganimda, sizlarga buyurgan narsam kabi qilardim. Lekin men uchun qurbonlik oʻz joyiga (soʻyiladigan yeriga) yetmaguncha ehromdagi (manʼ qilingan narsa) halol boʻlmaydi», dedilar. Bas, ular shunday qildilar.Жобир ибн Абдуллоҳ (розияллоҳу анҳумо)дан ривоят қилинади: у Расулуллоҳ ﷺ билан бирга, у зот қурбонлик (ҳадйи) олиб келган йили ҳаж қилган ва улар ифрод ҳажи учун эҳром боғлаган эдилар. Шунда Расулуллоҳ ﷺ: «Эҳромингиздан чиқинг, Байтни ҳамда Сафо билан Марва орасини тавоф қилинг, сочларингизни калталанг ва эҳромдан чиққан ҳолда туринг. Тарвия куни бўлганида эса ҳажга эҳром боғланг ва келтирган (эҳром)ингизни таматтуъ қилинг», дедилар. Улар: «Биз уни қандай таматтуъ қиламиз, ахир биз ҳажни (ният қилиб) айтган эдик?» дедилар. (Расулуллоҳ ﷺ): «Мен сизларга буюраётган нарсани қилинг. Чунки, агар мен қурбонлик (ҳадйи) олиб келмаганимда, сизларга буюрган нарсам каби қилардим. Лекин мен учун қурбонлик ўз жойига (сўйиладиган ерига) етмагунча эҳромдаги (манъ қилинган нарса) ҳалол бўлмайди», дедилар. Бас, улар шундай қилдилар.