Usoma ibn Zayd (roziyallohu anhu)dan rivoyat qilinadi — undan: «Arafa kechasi Rasululloh ﷺ ning ortida mingashib oʻtirganingda nima qildingiz?» — deb soʻralganda u shunday dedi: «Biz odamlar tuyalarini Magʻrib uchun choʻktiradigan daraga keldik. Rasululloh ﷺ oʻz tuyalarini choʻktirdilar va bavl qildilar — ‹suv toʻkdilar› demadi. Soʻng tahorat suvini soʻrab, mukammal boʻlmagan bir tahorat oldilar. Men: ‹Yo Rasululloh! Namoz (vaqti boʻldi)›, — dedim. U zot: ‹Namoz oldingdadir›, — dedilar. Soʻng (ulovga) minib, Muzdalifaga keldik. U zot Magʻribni (oʻqib) iqomat qildirdilar. Soʻng odamlar oʻz manzillarida (tuyalarini) choʻktirdilar, lekin Isho (namozini) oʻqish uchun iqomat aytilgunicha (yuklarini) yechmadilar. (U zot) namoz oʻqidilar, soʻng (odamlar yuklarini) yechdilar». «Tong otganida nima qildingiz?» — deyilganda: «Fazl ibn Abbos u zotning ortida mingashib oʻtirdi, men esa Quraysh piyodalari bilan birga oʻz oyogʻimda (piyoda) yoʻlga tushdim», — dedi.Усома ибн Зайд (розияллоҳу анҳу)дан ривоят қилинади — ундан: «Арафа кечаси Расулуллоҳ ﷺ нинг ортида мингашиб ўтирганингда нима қилдингиз?» — деб сўралганда у шундай деди: «Биз одамлар туяларини Мағриб учун чўктирадиган дарага келдик. Расулуллоҳ ﷺ ўз туяларини чўктирдилар ва бавл қилдилар — ‹сув тўкдилар› демади. Сўнг таҳорат сувини сўраб, мукаммал бўлмаган бир таҳорат олдилар. Мен: ‹Ё Расулуллоҳ! Намоз (вақти бўлди)›, — дедим. У зот: ‹Намоз олдингдадир›, — дедилар. Сўнг (уловга) миниб, Муздалифага келдик. У зот Мағрибни (ўқиб) иқомат қилдирдилар. Сўнг одамлар ўз манзилларида (туяларини) чўктирдилар, лекин Ишо (намозини) ўқиш учун иқомат айтилгунича (юкларини) ечмадилар. (У зот) намоз ўқидилар, сўнг (одамлар юкларини) ечдилар». «Тонг отганида нима қилдингиз?» — дейилганда: «Фазл ибн Аббос у зотнинг ортида мингашиб ўтирди, мен эса Қурайш пиёдалари билан бирга ўз оёғимда (пиёда) йўлга тушдим», — деди.