Oisha (roziyallohu anho)dan rivoyat qilinadi: Rasululloh ﷺ menga olti yoshimda uylandilar va men toʻqqiz yoshli qiz boʻlganimda men bilan birga boʻldilar (yaqinlik qildilar). (Oisha) aytdi: Biz Madinaga keldik, men bir oy isitma boʻldim, soch(im toʻkilib, soʻng) yelkagacha yetadigan boʻlib oʻsdi. Men beshikday tebranadigan argʻimchoqda dugonalarim bilan birga turganimda, oldimga Umm Rumon keldi va meni baqirib chaqirdi. Men uning oldiga bordim, lekin u mendan nimani istayotganini bilmas edim. U qoʻlimdan ushlab, meni eshik oldida toʻxtatdi. Men hansirab nafasim chiqib ketguncha: «Ha, ha», — dedim. Soʻng u meni bir uyga kiritdi, qarasam, ansorlardan boʻlgan ayollar (bor edi). Ular: «Yaxshilik va barakaga (kelding), eng yaxshi nasibaga (kelding)», — dedilar. (Umm Rumon) meni ularga topshirdi. Ular boshimni yuvdilar va meni bezadilar. Meni faqat choshgoh vaqtida (kutilmaganda kelgan) Rasululloh ﷺ (koʻrish)gina hayajonga soldi. Soʻng (ayollar) meni u zotga topshirdilar.Оиша (розияллоҳу анҳо)дан ривоят қилинади: Расулуллоҳ ﷺ менга олти ёшимда уйландилар ва мен тўққиз ёшли қиз бўлганимда мен билан бирга бўлдилар (яқинлик қилдилар). (Оиша) айтди: Биз Мадинага келдик, мен бир ой иситма бўлдим, соч(им тўкилиб, сўнг) елкагача етадиган бўлиб ўсди. Мен бешикдай тебранадиган арғимчоқда дугоналарим билан бирга турганимда, олдимга Умм Румон келди ва мени бақириб чақирди. Мен унинг олдига бордим, лекин у мендан нимани истаётганини билмас эдим. У қўлимдан ушлаб, мени эшик олдида тўхтатди. Мен ҳансираб нафасим чиқиб кетгунча: «Ҳа, ҳа», — дедим. Сўнг у мени бир уйга киритди, қарасам, ансорлардан бўлган аёллар (бор эди). Улар: «Яхшилик ва баракага (келдинг), энг яхши насибага (келдинг)», — дедилар. (Умм Румон) мени уларга топширди. Улар бошимни ювдилар ва мени безадилар. Мени фақат чошгоҳ вақтида (кутилмаганда келган) Расулуллоҳ ﷺ (кўриш)гина ҳаяжонга солди. Сўнг (аёллар) мени у зотга топширдилар.