Anas ibn Molik (roziyallohu anhu)dan rivoyat qilinadi: Men odamlar orasida hijob (oyati) haqida eng yaxshi biluvchiman. Ubay ibn Kaʼb mendan u haqda soʻrar edi. Anas dedi: Rasululloh ﷺ Zaynab binti Jahshga kuyov boʻlib tongni qarshiladilar — (u zot) unga Madinada uylangan edilar. Kun koʻtarilgach, (u zot) odamlarni taomga chaqirdilar. Rasululloh ﷺ oʻtirdilar, qavm turib ketganidan keyin ham baʼzi kishilar u zot bilan birga oʻtiraverdi, hatto Rasululloh ﷺ oʻrnidan turdilar. (U zot) yurdilar, men ham birga yurdim, toki (u zot) Oishaning hujrasi eshigiga yetdilar. Soʻng (u zot) ular chiqib ketgandir, deb oʻylab qaytdilar, men ham birga qaytdim. Lekin ular oʻz joylarida oʻtirgan edi. (U zot) yana qaytdilar, men ham ikkinchi marotaba qaytdim, toki (u zot) Oishaning hujrasiga yetdilar, soʻng qaytdilar, men ham qaytdim. Bu safar ular oʻrnidan turgan edi. Shunda (u zot) men bilan oʻzlarining orasiga parda tushdilar va Alloh hijob oyatini nozil qildi.Анас ибн Молик (розияллоҳу анҳу)дан ривоят қилинади: Мен одамлар орасида ҳижоб (ояти) ҳақида энг яхши билувчиман. Убай ибн Каъб мендан у ҳақда сўрар эди. Анас деди: Расулуллоҳ ﷺ Зайнаб бинти Жаҳшга куёв бўлиб тонгни қаршиладилар — (у зот) унга Мадинада уйланган эдилар. Кун кўтарилгач, (у зот) одамларни таомга чақирдилар. Расулуллоҳ ﷺ ўтирдилар, қавм туриб кетганидан кейин ҳам баъзи кишилар у зот билан бирга ўтираверди, ҳатто Расулуллоҳ ﷺ ўрнидан турдилар. (У зот) юрдилар, мен ҳам бирга юрдим, токи (у зот) Оишанинг ҳужраси эшигига етдилар. Сўнг (у зот) улар чиқиб кетгандир, деб ўйлаб қайтдилар, мен ҳам бирга қайтдим. Лекин улар ўз жойларида ўтирган эди. (У зот) яна қайтдилар, мен ҳам иккинчи маротаба қайтдим, токи (у зот) Оишанинг ҳужрасига етдилар, сўнг қайтдилар, мен ҳам қайтдим. Бу сафар улар ўрнидан турган эди. Шунда (у зот) мен билан ўзларининг орасига парда тушдилар ва Аллоҳ ҳижоб оятини нозил қилди.