Anas ibn Molik (roziyallohu anhu)dan rivoyat qilinadi: Nabiy ﷺ Zaynab binti Jahshga uylanganlarida, qavmni (taomga) chaqirdilar, ular taom yeb, soʻngra suhbatlashib oʻtirib qolishdi. (U zot) goʻyo turishga tayyorlangandek boʻldilar, lekin ular turishmadi. (U zot) buni koʻrganlarida oʻrnidan turdilar, (u zot) turganlarida qavmdan turguvchilar turdi. Osim va Ibn Abdulaʼlo oʻz hadislarida shuni ziyoda qilishdi: Uchta (kishi) oʻtirib qoldi. Nabiy ﷺ (uyga) kirmoqchi boʻlib keldilar, lekin qavm oʻtirgan edi. Soʻng ular oʻrnidan turib ketishdi. Men kelib, Nabiy ﷺ ga ularning ketganini xabar berdim. (U zot) kelib, kirdilar. Men ham kirmoqchi boʻldim, lekin (u zot) men bilan oʻzlarining orasiga hijob (parda) tashladilar. Va Alloh azza va jalla shu (oyat)ni nozil qildi: {Ey iymon keltirganlar! Nabiy uylariga taomga taklif etilmaguningizcha va (taom) pishishini kutib oʻtirmagan holda kirmanglar} oyatidan to {Albatta bu Alloh nozdida ulugʻ (gunoh)dir} (Ahzob 53) (degan soʻzigacha).Анас ибн Молик (розияллоҳу анҳу)дан ривоят қилинади: Набий ﷺ Зайнаб бинти Жаҳшга уйланганларида, қавмни (таомга) чақирдилар, улар таом еб, сўнгра суҳбатлашиб ўтириб қолишди. (У зот) гўё туришга тайёрлангандек бўлдилар, лекин улар туришмади. (У зот) буни кўрганларида ўрнидан турдилар, (у зот) турганларида қавмдан тургувчилар турди. Осим ва Ибн Абдулаъло ўз ҳадисларида шуни зиёда қилишди: Учта (киши) ўтириб қолди. Набий ﷺ (уйга) кирмоқчи бўлиб келдилар, лекин қавм ўтирган эди. Сўнг улар ўрнидан туриб кетишди. Мен келиб, Набий ﷺ га уларнинг кетганини хабар бердим. (У зот) келиб, кирдилар. Мен ҳам кирмоқчи бўлдим, лекин (у зот) мен билан ўзларининг орасига ҳижоб (парда) ташладилар. Ва Аллоҳ азза ва жалла шу (оят)ни нозил қилди: {Эй иймон келтирганлар! Набий уйларига таомга таклиф этилмагунингизча ва (таом) пишишини кутиб ўтирмаган ҳолда кирманглар} оятидан то {Албатта бу Аллоҳ ноздида улуғ (гуноҳ)дир} (Аҳзоб 53) (деган сўзигача).