Fotima bint Qays (roziyallohu anho)dan rivoyat qilinadi: «Erim meni uch (taloq bilan) taloq qildi, Rasululloh ﷺ menga turar joy ham, nafaqa ham belgilamadilar. Rasululloh ﷺ menga: ‹Iddangdan chiqib halol boʻlsang, menga xabar ber›, — dedilar. Men u zotga xabar berdim. Shunda menga Muoviya, Abu Jahm va Usoma ibn Zayd sovchi qoʻyishdi. Rasululloh ﷺ: ‹Muoviyaga kelsak, u kambagʻal, moli yoʻq odam. Abu Jahmga kelsak, u ayollarni koʻp uradigan odam. Lekin Usoma ibn Zayd (yaxshi)›, — dedilar. Men qoʻlim bilan mana bunday qilib (Usomani yoqtirmasligimga ishora qilib): ‹Usoma! Usoma!› dedim. Shunda Rasululloh ﷺ menga: ‹Allohga itoat qilish va Uning Rasuliga itoat qilish sen uchun yaxshiroqdir›, — dedilar. Bas, men unga turmushga chiqdim va (boshqalar) hasad qiladigan darajada baxtli boʻldim».Фотима бинт Қайс (розияллоҳу анҳо)дан ривоят қилинади: «Эрим мени уч (талоқ билан) талоқ қилди, Расулуллоҳ ﷺ менга турар жой ҳам, нафақа ҳам белгиламадилар. Расулуллоҳ ﷺ менга: ‹Иддангдан чиқиб ҳалол бўлсанг, менга хабар бер›, — дедилар. Мен у зотга хабар бердим. Шунда менга Муовия, Абу Жаҳм ва Усома ибн Зайд совчи қўйишди. Расулуллоҳ ﷺ: ‹Муовияга келсак, у камбағал, моли йўқ одам. Абу Жаҳмга келсак, у аёлларни кўп урадиган одам. Лекин Усома ибн Зайд (яхши)›, — дедилар. Мен қўлим билан мана бундай қилиб (Усомани ёқтирмаслигимга ишора қилиб): ‹Усома! Усома!› дедим. Шунда Расулуллоҳ ﷺ менга: ‹Аллоҳга итоат қилиш ва Унинг Расулига итоат қилиш сен учун яхшироқдир›, — дедилар. Бас, мен унга турмушга чиқдим ва (бошқалар) ҳасад қиладиган даражада бахтли бўлдим».