Jobir ibn Abdulloh (roziyallohu anhumo)dan rivoyat qilinadi: Rasululloh ﷺ muhoqala, muzobana va muxobaradan hamda xurmo daraxti «yushqih» qilguncha (mevasi rangga kirguncha) sotib olinishidan qaytardilar — «ishqoh» degani uning (mevasi) qizarishi yoki sargʻayishi yoxud undan biror narsa yeyilishidir. Muhoqala — ekin (hosil)ni maʼlum bir oʻlchovdagi taom bilan sotishdir. Muzobana — xurmo daraxtini (undagi mevani) maʼlum vasq (oʻlchov)dagi quruq xurmoga sotishdir. Muxobara esa (hosildan) uchdan bir, toʻrtdan bir va shunga oʻxshash (ulush evaziga ishlatishdir). Zayd dedi: Ato ibn Abu Robohga: «Jobir ibn Abdullohning buni Rasululloh ﷺ dan zikr qilayotganini eshitganmiding?» — dedim. U: «Ha», — dedi.Жобир ибн Абдуллоҳ (розияллоҳу анҳумо)дан ривоят қилинади: Расулуллоҳ ﷺ муҳоқала, музобана ва мухобарадан ҳамда хурмо дарахти «юшқиҳ» қилгунча (меваси рангга киргунча) сотиб олинишидан қайтардилар — «ишқоҳ» дегани унинг (меваси) қизариши ёки сарғайиши ёхуд ундан бирор нарса ейилишидир. Муҳоқала — экин (ҳосил)ни маълум бир ўлчовдаги таом билан сотишдир. Музобана — хурмо дарахтини (ундаги мевани) маълум васқ (ўлчов)даги қуруқ хурмога сотишдир. Мухобара эса (ҳосилдан) учдан бир, тўртдан бир ва шунга ўхшаш (улуш эвазига ишлатишдир). Зайд деди: Ато ибн Абу Робоҳга: «Жобир ибн Абдуллоҳнинг буни Расулуллоҳ ﷺ дан зикр қилаётганини эшитганмидинг?» — дедим. У: «Ҳа», — деди.