Ibn Umar (roziyallohu anhumo)dan rivoyat qilinadi: Umar ibn Xattob yahudiy va nasorolarni Hijoz yeridan surgun qildi. Rasululloh ﷺ Xaybarga gʻolib kelganlarida undan yahudiylarni chiqarib yuborishni xohladilar — chunki bu yer gʻalaba qilingan vaqtda Allohga, Uning Rasuliga va musulmonlarga (tegishli) edi — bas, (u zot) undan yahudiylarni chiqarishni iroda qildilar. Shunda yahudiylar Rasululloh ﷺ dan — uning ishini oʻzlari bajarishlari va ularga mevaning yarmi (boʻlishi) sharti bilan — uni oʻzlariga qoldirishni soʻradilar. Rasululloh ﷺ ularga: «Biz sizlarni oʻsha (shart) ila xohlagunimizcha bu yerda qoldiramiz», dedilar. Bas, Umar ularni Taymo va Arihoga surgun qilgunicha (oʻsha yerda) qoldilar.Ибн Умар (розияллоҳу анҳумо)дан ривоят қилинади: Умар ибн Хаттоб яҳудий ва насороларни Ҳижоз еридан сургун қилди. Расулуллоҳ ﷺ Хайбарга ғолиб келганларида ундан яҳудийларни чиқариб юборишни хоҳладилар — чунки бу ер ғалаба қилинган вақтда Аллоҳга, Унинг Расулига ва мусулмонларга (тегишли) эди — бас, (у зот) ундан яҳудийларни чиқаришни ирода қилдилар. Шунда яҳудийлар Расулуллоҳ ﷺ дан — унинг ишини ўзлари бажаришлари ва уларга меванинг ярми (бўлиши) шарти билан — уни ўзларига қолдиришни сўрадилар. Расулуллоҳ ﷺ уларга: «Биз сизларни ўша (шарт) ила хоҳлагунимизча бу ерда қолдирамиз», дедилар. Бас, Умар уларни Таймо ва Ариҳога сургун қилгунича (ўша ерда) қолдилар.